நகைச்சுவையில் நீளும் ‘எனக்கு வாய்த்த அடிமைகள்’

enakku-1
சேதுபதி வெற்றிப் படத்தைத் தயாரித்த வன்சன் மூவீஸ் ஷான் சுதர்சன் தயாரிக்க,

ஜெய், பிரணிதா, கருணாகரன், நவீன்,  தம்பி ராமையா, நான் கடவுள் ராஜேந்திரன், காளி வெங்கட், உள்ளிட்ட முப்பத்தாறு (கதாபாத்திரங்களில்) நடிகர்கள் நடிக்க,

சந்தானத்தோடு லொள்ளு சபாவில் பணியாற்றிய மகேந்திரன் ராஜாமணி இயக்கி இருக்கும் படம் எனக்கு வாய்த்த அடிமைகள் .

ஆயிரத்தில் ஒருவன் படத்தில்  நடிகர் எஸ். வி. ராமதாஸ் “நமக்கு வாய்த்த அடிமைகள் மிகவும் திறமைசாலிகள்; ஆனால் வாய்தான் காதுவரை நீள்கிறது” என்று சொல்வாரே, அந்த வசனத்தின் பாதிப்பில் வைத்த பெயர்.

enakku-6

மகேஷ் முத்துசாமியின் ஒளிப்பதிவில், சந்தோஷ் தயாநிதி இசையில் உருவான இந்தப் படத்தின் பாடல் வெளியீட்டை அடுத்து பத்திரிக்கையாளர்களை சந்தித்தது படக் குழு .

படத்தின் முன்னோட்டத்தையும் இரண்டு பாடல்களையும் திரையிட்டனர் .

” தூக்க மாத்திரை போட்டியா ? “

“ம்ம்ம்…. இங்கதான் எங்கயோ போட்டேன் . எங்க விழுந்ததுன்னு தெரியல “

மற்றும்

enakku-8

“சொல்லவே அசிங்கமா இருக்கு “

“அப்ப இன்டரஸ்டிங்கா இருக்கும் . சொல்லுங்க “

இது போன்ற நகைச்சுவைகளில் எனக்கு வாய்த்த அடிமைகளின் முன்னோட்டம் சுறுசுறுக்கிறது.

படத்தின் ஒரு பாடலை கொடைக்கானலில் மிக அழகாகப் படமாக்கி இருந்தார் ஒளிப்பதிவாளர் மகேஷ் முத்துசாமி .

இன்னொரு பாடலில் காதலில் தோற்ற நாயகனின் பிரச்னையை தீர்க்க அவனது நண்பர்கள் தமிழக தொலைக்காட்சிகளின் முக்கிய டாக் ஷோக்கள் (போன்ற மாதிரி நிகழ்சிகள்)

enakku-999
பலவற்றுக்கு சென்று வருவது போல படமாக்கப் பட்டு இருக்கிறது

இந்தப் பாடலை “மண்ணெண்ன.. வேப்பெண்ண , வெளக்கெண்ண , நீ எக்கேடு கெட்டாக்க எனக்கென்ன ?” என்று துவங்கி இருப்பதற்குப் பதில் ,

“வேப்பெண்ண  மண்ணெண்ன..வெளக்கெண்ண , நீ எக்கேடு கெட்டாக்க எனக்கென்ன ?” என்று துவங்கி இருந்தால் இன்னும் ரைமிங் ஆகவும் ஸ்மூத் ஆகவும் அமைந்து இருக்கும்

நிகழ்ச்சியில் பேசிய தயாரிப்பாளர் ஷான் சுதர்சன்

enakku-2
” சேதுபதி படத்தில் எனக்கு மக்கள் பெரிய வெற்றியை கொடுத்தார்கள் . அந்த நம்பிக்கையில் எல்லோருக்கும் பிடிக்கிற மாதிரி இன்னொரு படத்தை தயாரித்துள்ளேன் .
காதலும் நட்பையும் சொல்லும் கதை இது . கதை கேட்டபோதே எனக்கு மிகவும் பிடித்து விட்டது . உடனே துவங்கி சிறப்பாக முடித்துள்ளோம் ” என்றார் .

நடிகர் கருணாகரன் பேசும்போது ” இப்ப இந்தியாவுல எது கஷ்டமான வேலையோ அந்த கேரக்டரில் நான் நடித்துள்ளேன்.

அதாவது பேங்க் மேனேஜர் வேலை ” என்று சிரிக்க வைத்தார்.(லட்ச லட்சமா சம்பாதிக்கிற வேலைகூட கருணா  )

காளி வெங்கட்  ” படத்தில் ஒரு முக்கியமான ஆட்டோ டிரைவர் கதாபாத்திரத்தில் நடித்துள்ளேன் . எல்லோரையும் கவரும் படமாக இது வரும் ” என்றார் .

ஒளிபதிவாளர் மகேஷ் முத்துசாமி தன் பேச்சில்  ” தயாரிப்பாளர் , இயக்குனர் , நடிகர்கள் எல்லாமே மிக பொருத்தமாக அமைந்த படம் இது .
enakku-3
புது இயக்குனர்னு பார்க்காம அவர் கேட்பது எல்லாம் கொடுத்தார் தயாரிப்பாளர் .  ரசிகர்களுக்கு நல்ல போழுதுபோகையும் சந்தோஷத்தையும் தரும் படமாக இருக்கும் ” என்றார்
இயக்குனர் மகேந்திரன் ராஜாமணி பேசும்போது ” நான் புதுசா எல்லாம் இந்தப் படத்தில் ஒண்ணும் சொல்லல .

படம்னா நல்ல ஜாலியா இருக்கணும் . அப்படிப்பட்ட படத்தைதான் நான் பார்ப்பேன் . . அப்படிப்பட்ட படத்தைதான் நான் இப்போ எடுத்து இருக்கேன்

காதல் தோல்வி அடைந்த ஒருவனின் வேதனை அவனது நிஜமான நண்பர்களை எப்படி பாதிக்கிறது என்பதே இந்தப் படம்  அடிமை என்றால்  ஹீரோவின்  நண்பர்கள்.. அனைவரும் அன்பின் அடிமைகள் .

enakku-7

எனக்கு முழு சுதந்திரமும் கொடுத்த தயாரிப்பளருக்கு நன்றி . ஒளிப்பதிவாளர் மகேஷ் முத்துசாமின் எனக்கு வழிகாட்டியாக இருந்தார் .

எல்லோரும் நன்றாக இருக்க வேண்டும் என்று நினைக்கும் அவரைப் போன்ற ஒரு நல்ல மனிதரை வேறு எங்கும் பார்க்க முடியாது .

டூயட் பாடலை கொடைக்கானலில் ஒரு சிறு குன்றின் உச்சியில் எடுத்தோம் . அங்கே ஜீப் மட்டுமே போகும் . இயற்கை உபாதையை கழிக்கக் கூட முடியாத அந்த இடத்தில்

பிரணிதா மூன்று நாட்கள் இருந்து நடித்துக் கொடுத்ததை மறக்க முடியாது .

enakku-99

இன்னொரு பாடலில் நண்பர்களாக உள்ள பிரபலங்களின் புகைப்படங்கள் இவற்றோடு பொது இடங்களில் இருந்த நண்பர்களை அவர்களுக்கே தெரியாமல் படம் எடுத்து போட்டு இருக்கிறோம்

படம் பொங்கலுக்கு வெளிவருகிறது . உடனே விஜய் படத்துக்கு போட்டின்னு அர்த்தம் இல்ல . பொங்கல் என்பது  நாலஞ்சு நாள் விசேஷம் .

நாலு தடவை விஜய் சார் படத்தை பார்த்தா ஒரு தடவை எங்க படத்தை மக்கள் பாக்க மாட்டாங்களா ? அதனால்தான் பொங்கலுக்கு தைரியமா வர்றோம்னு விளம்பரம் பண்ணினோம் ” என்கிறார் .

எனக்கு வாய்த்த அடிமைகளின் வெற்றி பி ஆண்டு சி சென்ட்டர் வரை நீளட்டும் !

About Su Senthilkumaran

பெயர் : சு.செந்தில் குமரன் புனைப் பெயர் : ராஜ திருமகன் கல்வித் தகுதி : B.E. Mechanical பிரசுரமான முதல் படைப்பு : கவிதை -- பெங்களூரில் நடந்த 'பெரிய' மாநாட்டில் தேங்காய் எண்ணையில் சமைத்த உணவே தேவை என்றாராம் ஜெயவர்த்தனே! நல்ல வேளை..... தமிழன் ரத்தம் கேட்கவில்லையே (ஜூனியர் விகடன் ) பத்திரிக்கைப் பணி : விகடன் மாணவ நிருபர் திட்டம் மிகச் சிறந்த நிருபர் (outstanding reporter) விருது விகடன் குழும இதழ்களின் சிறப்பு நிருபர் (பல ஆண்டுகள்) விளம்பர முகவர் ---ஏற்றுமதி உலகம் இதழ் (ஒரு ஆண்டு) கட்டுரைப் பகுதி பொறுப்பாசிரியர் --மாலை முரசு குழும இதழ்கள் (பல ஆண்டு) சினிமா பகுதி ஆசிரியர் (தின மதி நாளிதழ்) நிருபர் (குமுதம்) உதவி ஆசிரியர் (குமுதம் ரிப்போர்ட்டர்) பொறுப்பாசிரியர் (குமுதம் ஹெல்த்) சினிமா பகுதி ஆசிரியர் (தின இதழ் நாளிதழ் ) தொலைக்காட்சிப் பணி : நிகழ்ச்சி தயாரிப்பாளர் (சன் டி வி மற்றும் சன் நியூஸ் தொலைக்காட்சி ) நிகழ்ச்சி ஆங்கர் (மக்கள் டிவி , டான் டிவி , டி டி என் தொலைக் காட்சி ) நடுவர் (ஜெயா டிவி டாக்குமெண்டரி விருது ) திரைப் படைப்பாளியாக : உதவி மற்றும் இணை இயக்குனர் --ஆர்.வி. உதயகுமார் (பல படங்கள்) நடிகர் -- முழு நீள கதாபாத்திரம் -- அஜந்தா (தமிழ் , தெலுங்கு ) -- நட்புக்காக (இரும்புக் கோட்டை முரட்டு சிங்கம் , முத்துக்கு முத்தாக) -- கஸ்தூரி , இளவரசி தொலைக்காட்சித் தொடர்கள் பாடலாசிரியர் -- அஜந்தா (இளையராஜா), அடாவடி (தேவா), முத்துக் குமரனின் காதல் (நவநீத் ) வெண்மேகம் (ஜாபர் ) அடுத்த கட்டம் : திரைப்பட இயக்கம் /நடிப்பு / எழுத்து தொடர்புக்கு : su.senthilkumaran@gmail.com / 91 98400 76462

View all posts by Su Senthilkumaran →

Leave a Reply

Your email address will not be published. Required fields are marked *