ஹிந்து என்.ராம் அவர்களின் மகன் திரு.ரமேஷின் புதல்வர் ரோஹித் ரமேஷ் தனது WTF என்டர்டைன்மென்ட் சார்பில் தயாரிக்க,
ஐஸ்வர்யா ராஜேஷ், சுரேஷ் ரவி, முன்டாசுப்பட்டி முனீஸ் காந்த் ராமதாஸ், ரமேஷ் திலக், யோகி பாபு, தர்புக சிவா, மைம் கோபி , செல்வா ஆகியோர் நடிக்க,
அறிமுக இயக்குனர் புவன் ஆர்.நல்லான் இயக்கி இருக்கும் படம் மோ .
30 ஆம் தேதி வெளிவரும் இந்தப் படத்தை வெங்கீஸ் பிலிம் இன்டர்நேஷனல் சார்பில் வெங்கடேஷ் ராஜா உலகம் முழுக்க வெளியிடுகிறார் .
படம் பற்றிப் பேசும் இயக்குனர் புவன் ஆர்.நல்லான் ” ஒரு பள்ளிக் கூட நிலத்தை அபகரிக்க முயலும் ஒரு அரசியல்வாதிக்கும் ,
அதை இழக்க விரும்பாத உரிமையாளருக்கும் நடக்கும் மல்லுக்கட்டில் பேய் உள்ளே நுழைந்தால் என்ன ஆகும் என்பதே இந்தப் படத்தின் கதை .
இது ஹாரர் காமெடி படம் என்றாலும் வழக்கமான பேய்ப் படங்கள் அகோர உருவம் எல்லாம் இருக்காது . வித்தியாசமான படமாக உங்களைக் கவரும்.
படத்தில் ஹீரோ இல்லை . ஹீரோயின் இல்லை
கதாநாயகியாக ஆக முயலும் ஜூனியர் ஆர்ட்டிஸ்டாக ஐஸ்வர்யா ராஜேஷ் நடிக்கிறார் . ராஜ தந்திரம் படத்தில் ஒரு முக்கியக் கதாபாத்திரத்தில் நடித்தவரும்
கிடாரி , பலே வெள்ளையத் தேவா போன்ற படங்களின் இசை அமைப்பாளருமான தர்புக சிவா ஒரு முக்கியக் கேரக்டரில் நடிக்கிறார். இப்படி இந்த படம் பல கதாபாத்திரங்களின் கதைதான்
இந்தப் படத்துக்காக பல வருடங்களாக பயன்படுத்தாமல் கிடக்கும் ஒரு பள்ளி எங்களுக்கு தேவைப்பட்டது . அப்படி நிஜமாகவே பல வருடம் பாழ்பட்டுக் கிடக்கும் ஒரு பள்ளி எங்களுக்கு
ஸ்ரீ பெரும்புதூரில் எங்களுக்கு கிடைத்தது . சென்ற டிசம்பரில் படப் பிடிப்பை நடத்தினோம்
சென்னையே வெள்ளக்காடாக ஆனபோது எங்களில் பலர் அந்தப் பகுதியிலேயே மாட்டிக் கொண்டோம். அப்போது நடிக நடிகையர் கொடுத்த ஒத்துழைப்பு மறக்க முடியாத ஒன்று ” என்றார் .
ஐஸ்வர்யா ராஜேஷ் பேசும்போது ” இந்தப் படத்தில் எனக்கு ஜோடி இல்லை . காதல் இல்லை . பாட்டு இல்லை ஆனால் மிக சிறப்பான கேரக்டர் . மிக நல்ல கதை .
எனவே விரும்பி நடித்தேன் . படம் ரொம்ப நல்லா இருக்கும்” என்றார்
படத்துக்கு கிடைத்து இருக்கும் வரவேற்பு பற்றி கூறும் வெங்கீஸ் பிலிம் இன்டர்நேஷனல் வெங்கடேஷ் ராஜா “பல சிறு படங்களை வெளியிட்ட எனக்கு இது முதல் பெரிய படம் .
அதுவும் இந்து போன்ற ஒரு பெரிய நாளிதழ் குடும்பம் தயாரித்து இருக்கும் படத்தை வெளியிடுவதில் பெருமைப் படுகிறேன் .
தமிழகம் எங்கும் பல பெரிய விநியோகஸ்தர்கள் படத்தை வாங்கி இருகிறார்கள் .திட்டமிட்டதை விட நிறைய திரையரங்குகள் கிடைப்பது குறிப்பிடத்தக்க விஷயம் . படம் எல்லோரையும் கவரும்படி இருக்கிறது .
குடும்பத்தோடு வந்து பார்க்கக் கூடிய நம்பி வரும் ரசிகரகளை ஏமாற்றாமல் முழு திருப்தி தரும் படமாக டிசம்பர் 30 ஆம் தேதி திரைக்கு வருகிறது மோ ” என்கிறார்
அது என்ன படத்துக்கு மோ .. என்று ஒரு பெயர் ? என்று கேட்டால் படத்தில் பூஜா தேவரியா நடிக்கும் ஒரு கவுரவத் தோற்றம் சம்மந்தப்பட்ட பெயர் அது .
அதுக்கு மேல இப்போ சொல்ல முடியாது . படத்தில் பார்த்து ரசிங்க” என்கிறார்கள் .
அப்போ… என்ன ‘மோ’ இருக்கு !
