திருநங்கைகளின் வாழ்க்கையை மையப்படுத்திய கதை திரைக்கதையில் உருவாகியிருக்கிறது ‘கெத்துல.’
கதை… அமைச்சரின் தம்பி என்ற கெத்தோடும், இளைமைத் திமிரோடும் சுற்றித்திரியும் நபருக்கு ( சலீம் பாண்டா) பெண்களைக் கடத்தி தனது ‘அந்தரங்க ஆசை’க்கு பலியாக்குவது வழக்கம். அந்த வரிசையில் மதுபானக்கூடத்தில் நடனமாடும் பெண்ணையும் (நாயகி ரீனு) அணுகுகிறார். அவரை, அந்த நேரத்தில் அங்கிருந்த ஒருவர் (நாயகன் ஸ்ரீஜித்) காப்பாற்றுகிறார். அதனால் காமுகனுக்கு நாயகன் மீது கொலைவெறி வருகிறது. அதே நேரம் ஆபத்தான சூழலிலிருந்து தன்னைக் காப்பாற்றிய நாயகன் மீது நாயகிக்கு க்கு காதல் உருவாகிறது. நாயகன் அந்த காதலை ஏற்க முடியாத நிலையில் இருக்கிறார்… ஏன்?
நாயகனைப் பழிவாங்கத் துடிக்கிற காமுகன் என்ன மாதிரியான நடவடிக்கையில் இறங்கினார் ? நாயகனின் முன் கதை என்ன என்பதே படம்.
இருவேறு தோற்றங்களில் வருகிற ஸ்ரீஜித் உற்சாகமாக நடிக்கிறார் ஆக்ஷன் காட்சிகளிலும் அதே உற்சாகம். 
ஆரம்பக் காட்சிகளில் கவர்ச்சியில் அப்புறம் பாலியல் துன்புறுத்தலில் இருந்து தப்பிக்க முயற்சிப்பது, காதலனுக்கு நேர்ந்த பிரச்சனைகள் தெரிந்து கலங்குவது என நாயகியும் ஆர்வமாக நடித்திருக்கிறார்.
ஆரம்பக் காட்சிகளில் கவர்ச்சியில் அப்புறம் பாலியல் துன்புறுத்தலில் இருந்து தப்பிக்க முயற்சிப்பது, காதலனுக்கு நேர்ந்த பிரச்சனைகள் தெரிந்து கலங்குவது என நாயகியும் ஆர்வமாக நடித்திருக்கிறார். வில்லனாக வரும் சலீம் பாண்டாவும் அப்படியே . . அமைச்சராக சாயாஜி ஷிண்டே, போலீஸ் கமிஷனராக ரவிகாலே என மற்ற கதாபாத்திரங்களில் வருகிறவர்களின் நடிப்பும் கவனிக்க வைக்கிறது!
திருநங்கைகளாக நடித்திருப்பவர்களின் பங்களிப்பை குறிப்பிட்டுப் பாராட்டலாம்.
இயக்குநர் வி.ஆர்.ஆர். திரைக்கதையில் இன்னும் கொஞ்சம் விறுவிறுப்பு கூட்டியிருக்கலாம்.
இசையும் ஒளிப்பதிவும் இன்னும் சிறப்பாக இருந்திருக்க வேண்டும்.
