லேடி டிரீம் சினிமாஸ் சார்பில் பைஜா டாம் தயாரிக்க, சச்சின் மணி, நந்திதா, அருள்தாஸ் நடிப்பில் ,
பாலையா ராஜ சேகர் என்பவர் கதை திரைக்கதை வசனம் எழுதி இயக்கி இருக்கும் படம் காத்திருப்போர் பட்டியல்.
டிக்கெட் எடுப்போர் பட்டியலில் இடம் பெறலாமா ? பார்க்கலாம் . 
யாருடைய அனுமதியும் இன்றி குற்றவாளியை சுட்டுப் பிடிக்கும் அதிகாரம் இருந்தும்,
யாருடைய அனுமதியும் இன்றி குற்றவாளியை சுட்டுப் பிடிக்கும் அதிகாரம் இருந்தும், அந்த அதிகாரம் இல்லாத போக்குவரத்து மற்றும் சட்டம் ஒழுங்கு இன்ஸ்பெக்டருக்கு மக்கள் தரும் மரியாதையை,
தனக்கு தருவது இல்லையே என்று கொந்தளிப்பவர் , தாம்பரம் ரயில்வே பாதுகாப்புப் படை அதிகாரி வில்லியம்ஸ் (அருள்தாஸ்)
எனவே ரயில் , ரயில் நிலையம் மற்றும் ரயில்வே லைனில் யாரவது சிறு தவறு அல்லது குற்றம் செய்தால் கூட , அவர்களை கடுமையாக தண்டிக்கும் வழக்கம் அவருக்கு இருக்கிறது .
அப்படி ஒரு நாள் மாட்டும் நபர்களில், ரயில்வே தண்டவாளம் திருடும் நபர், குடிகாரர் , சசிகுமார் ரசிகர் மன்ற தலைவர், வேலையில் முதல் நாள் சேர இருப்பவர் இவர்களோடு ,
பாண்டிச்சேரியில் உள்ள காதலி மேகலாவை (நந்திதா ) அவசர திருமணம் செய்து கொள்ள வேண்டிய கட்டாயத்தில் உள்ள இளைஞன் சத்யாவும் (சச்சின் மணி) ஒருவன் .எல்லோரையும் சாவகாசமாக கோர்ட்டில் ஆஜர் படுத்த விலியம்ஸ் திட்டமிட, அங்கே இருந்து தப்பிக்க முடிவு செய்யும் பலரும் ,
முடியாத நிலையில் சத்யாவை மட்டுமாவது தப்ப வைக்க திட்டமிடுகின்றனர் .
அதன் படியே கோர்ட்டுக்குப் போகும் வழியில் சத்யா தப்பிக்க, வில்லியம்ஸ் கொந்தளிக்கிறார் .
அந்த நேரம் பார்த்து மேகலா தாம்பரத்துக்கு வர, அவளை பிடித்து வைக்கும் வில்லியம்ஸ் , சத்யாவை திரும்பி வரச் சொல்லி போனில் மிரட்டுகிறார். அப்படியே வரும் சத்யா , ‘ உன்னை யார் கிளம்பி வரச் சொன்னா ?’ என்று மேகலாவைத் திட்ட, பேச்சு வளர்ந்து சத்யாவுக்கும் மேகலாவுக்கும் சண்டை வருகிறது .
மனம் வெறுக்கும் மேகலா ரயில் முன் பாய, ரயிலும் பாய… அப்புறம் நடந்தது என்ன என்பதே, இந்த காத்திருப்போர் பட்டியல் .
விஜய் சேதுபதியின் குரலில் வில்லியம்ஸ்தான் ஹீரோ என்று திரைக்கதையின் ஆரம்பத்தில் அறிமுகப் படுத்தும் ஜோர் பலே . வில்லியம்சின் கோபம் பொறாமை , முரட்டுத்தனம் என்று அந்த ஏரியா புதுசு . சபாஷ் .
பிளாஷ் பேக்கில் வரும் காதல் , மாட்டிக் கொண்டவர்கள் தப்பிக்கும் விதம் என்று படம் முழுக்க வரும் சின்னச் சின்ன டுவிஸ்டுகள் கவனிக்க வைக்கின்றன.
சான் ரோல்டன் இசையில் பாடல்கள் ஒகே .
சுகுமாரின் ஒளிப்பதிவில் நீலக் கலரின் ஆதிக்கம் அதிகம் பிளஸ் அழகு . பாண்டிச்சேரி லொக்கேஷன் எஸ்டாப்ளிஷ்மென்ட் படு வீக் . 
சச்சின் மணி நம்பிக்கைக்குரிய புது முகம் . அருள்தாஸ் ரன்னிங் ரோலில் ஜோராக ஓடுகிறார் .
சச்சின் மணி நம்பிக்கைக்குரிய புது முகம் . அருள்தாஸ் ரன்னிங் ரோலில் ஜோராக ஓடுகிறார் . நந்திதா ஒகே . சென்றாயன், அப்புக்குட்டி, அருண்ராஜா மற்றும் பலர் கவனிக்க வைக்கிறார்கள் .
இன்னும் கொஞ்சம் லாஜிக் , இன்னும் கொஞ்சம் அழுத்தமான திரைக்கதை, இன்னும் சிறப்பான படமாக்கல் ,
உண்மைக்கு நெருக்கமான காட்சி அமைப்புகள் இருந்து இருக்கலாம் .
எனினும் காத்திருப்போர் பட்டியல் … சீட் கிடைக்கும் .
