அவ்னி மூவீஸ் சார்பில் சுந்தர் சி தயாரிக்க,
இசை அமைப்பாளர் ஹிப் ஹாப் ஆதி கதை திரைக்கதை வசனம் பாடல்கள் எழுதி இசை அமைத்து கதாநாயகனாக நடித்து இயக்க,
கதாநாயகியாக அறிமுகம் ஆத்மிகா, மற்றும் விவேக், இவர்களுடன் பல புது முகங்கள் நடிக்கும் படம் மீசையை முறுக்கு. சரக்கின் முறுக்கு எப்படி?
இசையமைப்பாளர் ஹிப் ஹாப் ஆதி தனது வாழ்வில் நடந்த சம்பவங்களின் அடிப்படையில் எடுத்திருக்கும் படமாம் இது .
தமிழ்ப் பற்று மிக்க, நேர்மையான அப்பாவுக்கும் ( விவேக்) பாசமான அம்மாவுக்கும் (விஜய லட்சுமி) பிள்ளை . ஒரு பலசாலியான தம்பி .
தனியார் பொறியியல் கல்லூரியில் படிக்கிறார் . நட்பு வட்டம் பகை வட்டம் எல்லாம் உருவாகிறது . வெண்ணிலா என்ற பெண்ணை (ஆத்மிகா) காதலிக்கிறார் .
அந்தப் பெண்ணின் வீட்டார் சாதி வேறுபாடு காரணமாக காதலை ஏற்காமல் வேறு மாப்பிள்ளை பார்க்கிறார்கள்
படித்து முடித்து வேலைக்கு போவார் என்று பார்த்தால் ஆதி தனி இசை ஆல்பம் துறையில் புகழ் பெற முயல்கிறார் . அந்த முயற்சி தாமதம் ஆவதால் காதலியால் சமாளிக்க முடியவில்லை
காதலி பிரிகிறாள் . ஆதி வென்று இசை மேடை ஏறும்போது காதலி வேறொருவனுக்கு மனைவியாவதற்காக மணமேடை ஏறுகிறார் .
இவர் கழுத்தில் வெற்றி மாலை விழும்போது அவள் கழுத்தில் வேறு ஒருவனின் மனைவியாக தாலி விழுகிறது
ஜெயிக்கும் ஒவ்வொரு கலைஞனுக்கும் இப்படி ஒரு இழப்பு சோகம் இருக்கும் என்பதை படம் சொல்கிறது .
அந்த காலத்து டி. ராஜேந்தரின் கல்லூரி வாழ்க்கை படத்தை இப்போதைய மேக்கிங்கில் பார்க்கும் உணர்வை படம் தருகிறது .
காதல் , மோதல், நட்பு , சண்டை எல்லாம் கலந்த கல்லூரி வாழ்க்கை .
ஆதி நன்றாக ஆடுகிறார் பாடுகிறார் நடிக்கிறார் .
ஆத்மிகா அழகு .
கம்பீர அப்பாவாக விவேக் கெத்து காட்டுகிறார் .
நண்பர்களாக நடித்துள்ள பலரும் சிறப்பான பங்களிப்பை கொடுத்துள்ளனர் .
பாடல்கள் இனிமை .
கல்லூரிக் காலத்தில் டெர்ரராக இருந்த மாணவன் படிப்பை முடித்து ஒரு இன்சூரன்ஸ் ஏஜென்டாக அலைவது நெகிழ்வாக சொல்லப் படுகிறது
காதல், காமெடி , செண்டிமென்ட் எல்லாம் கலந்து படம் போகிறது
கிளைமாக்ஸ் மனம் கனக்க வைக்கிறது .
இளைஞர்களை கவர வாய்ப்புள்ள படம்
மீசைய முறுக்கு … சரக்கு முறுக்கு!
