அஞ்சலி எண்டர்டெயின்மென்ட் சார்பில் என். ராமலிங்கம் தயாரிக்க, ராம கிருஷ்ணன் , லீமா பாபு , சாண்ட்ரா எமி நடிக்க,
ஆர் முத்துகுமார் எழுதி இயக்கி இருக்கும் படம் எந்த நேரத்திலும் . ஒரு நேரமாவது ரசிக்க முடியுமா ? பார்க்கலாம் .
ஊட்டியில் வாழும் இளைஞன் ரெக்ஸ் ( ராம கிருஷ்ணன்) என்ற இளைஞனுக்கும் பாரதி (லீமா பாபு) என்ற பெண்ணுக்கும் காதல்.
ரெக்ஸ் தன் காதலியை , காதல் திருமணம் செய்து கொண்டிருக்கும் அக்கா ஜெனிபருக்கு (சாண்ட்ரா எமி) அறிமுகப்படுத்த ,
பாரதியை மறுதலிக்கிறாள் ஜெனிபர் . ஜெனிபரின் கணவன் டேவிட்டும்(யஷ்மித்) பாரதியை வியப்போடு பார்க்கிறான் .
இந்நிலையில் ஒரு விபத்தில் டேவிட்டும் ரெக்சின் அப்பாவும் இறக்கின்றனர் .
மன ஆறுதலுக்காக ஜெனிபரும் ரெக்சும் கோத்தகிரியில் உள்ள பங்களாவுக்கு போக , அங்கே பாரதியின் உருவம் கொண்ட ஒரு பெண்ணின் ஆவி, ஜெனிபரின் குழந்தை மேல் வந்து ஜெனிபரை கொலை செய்ய முயல்கிறது .
டேவிட்டை காதலித்து ஜெனிபராலும் அவள் தந்தையாலும் கொல்லப்பட்ட பெண்தான் (இரு வேடம் லீமா பாபு) அந்த ஆவி.
சாமியாரின் உதவியோடு அந்த ஆவியிடம் இருந்து அக்காவையும் அக்கா மகளையும் ரெக்சால் காப்பாற்ற முடிந்ததா இல்லையா என்பதே இந்தப் படம் .
ஊட்டி மற்றும் கொத்தகிரியின் அழகை சிறப்பாகக் காட்டுகிறது சாலை சகாதேவனின் ஒளிப்பதிவு .
ராம கிருஷ்ணன் – லீமா பாபு கெமிஸ்ட்ரி சிறப்பு .
சதீஷின் பாடல் இசையும் சபேஷ் முரளியின் பின்னணி இசையும் ஒகே
சிங்கம் புலிதான் படுத்தி எடுக்கிறார் . மொத்தமாக வெட்டி வீசலாம்
மிக சாதரணமான முதல் பாதி . இரண்டாம் பாதி விறுவிறுப்பு .
ஜெனிபராக வரும் சாண்ட்ரா, ஆவியாக வரும் லீமா பாபு, பேய் பிடித்த குழந்தையாக நடித்திருக்கும் சிறுமி விஜிதா ஆகியோர் சின்சியராக நடித்துள்ளனர் . பாராட்டுகள் .
கிளைமாக்சில் மேக்கிங்கில் மிரட்டுகிறார்கள் . சிறப்பு .
படத்தில் வரும் எல்லாமே பார்த்து சலித்த காட்சிகள்தான் . புதுசாக எதுவும் இல்லை என்பதே குறை .
எந்த நேரத்திலும் … பழகிய நல்ல நேரம் !
