முப்பது வருடங்களாக பிரபலமாக விளங்கும் விஜய் மூலன் குரூப் நிறுவனத்தின் தலைவர் விஜய் மூலன், முதல் படமாக தனது விஜய் மூலன் டாக்கீஸ் நிறுவனம் சார்பில்
கேண்டில் லைட் புரடக்ஷன்ஸ் நிறுவனத்துடன் இணைந்து தயாரிக்க,
ஜோக்கர் புகழ் குரு. சோமசுந்தரம், நாசர், சாருஹாசன், ஆனந்த் சாமி, , லக்ஷ்மி பிரியா, ஆஷிகா சல்வான், ரவிந்திர விஜய்,
வேங்கடேஷ் ஹரிஹர நாதன், ,மெல்வின் எம் ரஞ்சன், வினு, ஜான் , சோனா ஆகியோர் நடிப்பில் ,
நீண்ட கால நண்பர்களும் எல் வி பிரசாத் அகாடமியில் திரைத் தொழில்நுட்பம் படித்தவர்களுமான நிஷாந்த் ரவீந்திரன் மற்றும் ஜதின் ஷங்கர் ராஜ் இருவரும் இயக்கியுள்ள படம் ஓடு ராஜா ஓடு .
இயக்குனர்களில் ஒருவரான நிஷாந்த் ரவீந்திரன் படத் தொகுப்பாளராகவும் பணியாற்ற , இன்னொருவரான ஜதின் ஷங்கர் ராஜ் ஒளிப்பதிவாளரகவும் பணியாற்றி இருக்கிறார்.
படத்தின் முதல் தோற்றச் சுவரொட்டியை அண்மையில் நடிகர் மாதவன் வெளியிட்டார் .
“நான்கு கதாபாத்திரங்களுக்குள் ஒரே நாளில் நடக்கும் கதை. நான்கு பேருக்கும் ஒவ்வொரு இலக்கு, அதனை அடைய அவர்கள் எடுக்கும் முயற்சிகள் , அதனால் ஏற்படும் பிரச்னைகள் … இவற்றின் விளையாட்டில் இந்த நால்வரும் ஒருவரை ஒருவர் சந்திக்கும் போது என்ன நடக்கிறது என்பதை டார்க் காமெடி படமாக சொல்கிறோம்” என்கிறார்கள்.
“இதுல என்ன ஸ்பெஷல்?” என்று கேட்டேன் .
“படத்தில் ஹீரோ போல தெரிபவர் ஒரு நிலையில் வில்லனாக தெரிவார். வில்லனாக தெரிபவர் நல்லவராக தெரிவார். இந்த மாற்றம் சுவாரஸ்யமாகவும் காமெடியாகவும் இருக்கும் ” என்கிறார்கள்.
படத்தில் முக்கியக் கதாபாத்திரங்களில் நடிக்கும் குரு சோம சுந்தரம், ஆனந்த சாமி , லக்ஷ்மி பிரியா மூவரும் நாடக மேடையிஒல்ம் இருந்து நடிக்க வந்தவர்கள் .
” இது வித்தியாசமான நல்ல நடிப்பை இந்தப் படத்துக்கு கொண்டு வர உதவியாக இருந்தது ”
— என்கிறார்கள் இயக்குனர்கள் .
நல்ல படமாக வரட்டும் !
