மீடியா ஃபேஷன் புரொடக்சன்ஸ் என்ற பட நிறுவனம் மூலம் ஆமீனா ஹுசைன் தயாரிக்கும் புதிய படம் “பதுங்கி பாயணும் தல”.
காமெடிக்கு முக்கியத்துவம் கொடுத்து உருவாகி இருப்பதாக சொல்லப் படும் இந்தப் படத்தின் அறிமுக இயக்குனர் மோசஸ் முத்துப்பாண்டி, இயக்குனர் S.A.சந்திரசேகரனிடம் இணை இயக்குனராகவும் இயக்குனர் சீமானிடம் உதவி இயக்குனராகவும் பணிபுரிந்தவர்
பர்மா படத்தில் நடித்த மைக்கேல் நாயகனாக நடித்துள்ளார் .
இவர்களுடன் முக்கிய கதாபாத்திரங்களில் வேல ராமமூர்த்தி, சிங்கப்பூர் தீபன்,ராகுல் தாத்தா ,சிங்கம்புலி, ,RNR மனோகர், M.S.பாஸ்கர் ஆகியோர் நடித்து இருக்கிறார்கள்.
படத்திற்கு தணிக்கைக்குழு எந்த வெட்டும் கொடுக்காமல் “U” சான்றிதழ் வழங்கி இருக்கிறது .
படத்திற்கு தணிக்கைக்குழு எந்த வெட்டும் கொடுக்காமல் “U” சான்றிதழ் வழங்கி இருக்கிறது .“மாமனா மச்சானா” என்கிற பாடலை இயக்குனர் S.P.மோசஸ் எழுத, அந்தோணிதாசன் பாடியுள்ளார் .இதன் சிங்கள் டிராக் பாடலை நடிகர் விஜய் சேதுபதி வெளியிட்டார் .
இந்த நிலையில் நடந்த படத்தின் இசை வெளியீட்டு விழாவில் டி. ராஜேந்தர் , எஸ் ஏ சந்திர சேகர் ஆகியோர்கலந்து கொண்டு பாடல்களை வெளியிட்டனர் . 
பெண் தயாரிப்பாளர் ஆமீனா ஹுசைனை இருவரும் மனமாரப் பாராட்டினார்கள் .
பெண் தயாரிப்பாளர் ஆமீனா ஹுசைனை இருவரும் மனமாரப் பாராட்டினார்கள் . தயாரிப்பாளர் சங்கத்தில் இருந்து எந்த உதவியும் கிடைக்காத நிலையில் ஆமீனா ஓர் இரும்புப் பெண்மணியாக நின்று படத்தை முடித்ததாக பாராட்டினார் டி. ராஜேந்தர் .
தன் உதவியாளரான மோசஸ் முத்துப் பாண்டியின் வெற்றி தான் விரும்பும் ஒன்று என்றார் இயக்குனர் எஸ் ஏ சந்திரசேகர் .
“இந்த தயாரிப்பாளர் என் தெய்வம்” என்றார் இயக்குனர் .
“ஒரு நல்ல படத்தை எடுத்து உள்ளோம் . படம் நன்றாக வந்துள்ளது . எல்லோருக்கும் பிடிக்கும் என்று நம்புகிறேன் ” என்றார் தயாரிப்பாளர் ஆமீனா ஹுசைன் .
திரையிடப்பட்ட பாடல்களில் உற்சாகமாக ஆடிப் பாடி நடித்து இருந்தார்கள் நாயகன் நாயகியான மைக்கேல் மற்றும் நைனிகா இருவரும் .
ராகுல் தாத்தா சம்பந்தப்பட்ட காமெடி காட்சிகள் சிறப்பாக இருக்கும் என்பது முன்னோட்டத்தில் தெரிகிறது .
“விரைவில் நயன்தாராவே கால்ஷீட் கேட்கும் அளவுக்கு ராகுல் தாத்தா உயர்வார்” என்றார் எஸ் ஏ சி .
வில்லன் கதாபாத்திரத்திலேயே நடித்துக் கொண்டு இருந்த வேல ராம மூர்த்தி இந்தப் படத்தில் காமெடி குணச்சித்திர வேடத்தில் நடித்து இருப்பது தெரிகிறது .
ரோவின் பாஸ்கர் ஒளிப்பதிவில் ,வல்லவன் சந்திரசேகர் இசையில் , மனோஜ்படத்தொகுப்பில் விரைவில் திரைக்கு வரவிருக்கிறது பதுங்கி பாயணும் தல.
