கான்ஃபிடன்ட் ஃ பிலிம் கேஃப் மற்றும் ஆர்.கே.டிரீம் வேர்ல்டு இணைந்து தயாரிக்க,
பசங்க ஸ்ரீராம் , ஆரா, நாசர் , மயில்சாமி , சென்ட் ராயன், நடிக்க ,
விஜய் நடித்த தமிழன் படத்தை இயக்கிய அப்துல் மஜீத் இயக்கி இருக்கும் படம் பைசா
குப்பை மேடு அங்கு வாழும் மக்கள் இவற்றின் பின்னணியில் தூய்மை இந்தியா திட்டத்தை வலியுறுத்தி வரும் படமாம் இது ,
படத்தின் பத்தீர்க்கையாளர் சந்திப்பில் பேசிய இயக்குனர் மஜீத் ” இந்தப் படத்தை நானே தயாரித்து இயக்க ஆரம்பித்தேன் . தொடர முடியாமல் போனபோது பாஸ்கர் என்னோடு தயாரிப்பாளராக இணைந்தார் .
ஸ்ரீராம் , சென்ட் ராயன் , மிக சிறப்பாக நடித்துள்ளனர் . நாசர் சார் ரொம்ப சிறப்பான கேரக்டரில் நடித்து இருக்கிறார் . மயில்சாமி நகைச்சுவையில் பின்னி எடுத்துள்ளார் . வில்லனாக ராஜ சிம்மன் நடிக்கிறார் .
குப்பை மேடுகள் அதை சுற்றி வாழும் மக்கள் ஆகியோரின் வாழ்க்கை சூழலை சொல்லும் இந்தப் படம் , இன்னொரு பக்கம் குடும்ப வாழ்வின் அவசியத்தையும் வலியுறுத்தும் ” என்கிறார்
ஹீரோவாக நடித்துள்ள ஸ்ரீராம் பேசும்போது” நகரின் குப்பையை கொட்ட ஒரு இடத்தை தேர்வு செய்து மொத்தமாக கொட்டுகிறோம்.
அங்கே வாழும் மக்களின் நிலை பற்றி கவலைப் படாமல் . அவர்களின் வாழ்க்கையும் குப்பை ஆகிறது .
அப்படிப்பட்ட மக்களின் பிரச்னைகளை சொல்லும் படம் இது
புற வாழ்க்கை அக வாழ்க்கை இரண்டும் தூய்மையாக இருக்க வேண்டியதன் அவசியத்தை படம் சொல்லும்
தூய்மை இந்தியா திட்டத்தை வலியுறுத்தும் இந்தப் படத்தை பிரதமர் மோடி பார்த்தால் மனதாரப் பாராட்டுவார்” என்றார்
படத்தில் இரண்டாவது கதாநாயகியாக நடித்துள்ள தீபிகா மருத்துவக் கல்லூரி மாணவி (குப்பையில் இருந்து மருந்து கண்டுபிடிக்க வாழ்த்துகள் )
ஜூலை ஒன்றாம்தேதி படம் வெளிவருகிறது .
