‘காக்க! காக்க! கனகவேல் காக்க!’ என்று ஆரம்பிக்கும் ‘டார்லிங் 2’ படத்தின் டிரெய்லர், இப்போது ஒன்பது லட்சம் பார்வையாளர்களைக் கடந்து மேலும் பலராலும் பார்க்கப்பட்டு முன்னேறிக் கொண்டிருக்கிறது .
படத்திள் ஹீரோவாக அறிமுகமாகும் ரமீஸ் ராஜாவிற்கு ‘டார்லிங் 2’ ஒரு பொக்கிஷம் என்று தான் சொல்ல வேண்டும்!
“பள்ளி கல்லூரி நாட்களிலேயே நடிப்பின் மேல் மிகுந்த ஆர்வம் கொண்டவனாக இருந்தேன்; அந்த ஆர்வமே, எனக்கு சில குறும்படங்களில் நடிக்க வாய்ப்பு பெற்று தந்தது.
அந்த காலக்கட்டத்தில் தான், ஸ்டண்ட் மாஸ்டர் பில்லா ஜகன் மூலமாக நான் இயக்குனர் சதீஷ் சந்திரசேகரனைச் சந்தித்தேன்.
சில சந்திப்புகளில் நாங்கள் இருவரும் ‘டார்லிங் 2’ கதைக்குள் ஆழமாக இணைந்துவிட்டோம் .
அதனை தொடர்ந்து, நடிப்பின் நுணுக்கத்தை நன்கு அறிய சில மாதங்கள் பயிற்ச்சியும் மேற்கொண்டேன்.
படத்தின் தயாரிப்பாளர் K.E. ஞானவேல் ராஜா எங்களுக்கு அமைந்த ஓர் வரப்பிரசாதம் , படத்தின் வெளியீட்டு நாளான ஏப்ரல் 1, எங்களுக்கு ஓர் மிகபெரிய நாளாக அமையும் என்று நம்புகிறேன்.
டார்லிங் 2 படத்தில் அனைத்து கதை அம்சங்களும் நிறைந்துள்ளது என்று நான் இப்போது நான் சொல்வது போல மக்களும் சொல்லும் நாளை எதிர்பார்துக் கொண்டிருக்கிறேன்” என்கிறார் ரமீஸ் ராஜா!
டார்லிங் 2 டிரைலர் பார்க்க கீழே உள்ள இணைப்பை சொடுக்கவும்
