சமூகத்தில் நடக்கும் நிகழ்வுகளை குறிப்பாக நல்ல நிகழ்வுகளை சூடு குறையாமல் பிரதிபலிப்பதே கலையின் முக்கிய நோக்கம் அதை தரத்தோடும் பிரதிபலித்தால் அதற்கான மரியாதையே தனி.
தரமாக பிரதிபலிக்கிறார்களா என்பதை படைப்பு வெளிப்படுவதற்குள் சொல்ல முடியாது . ஆனால் உடனடியாகப் பிரதி பலிக்கும் வகையில் கவனம் கவர்கிறது திறப்பு விழா படம்
பூமிகா இன்ஃப்ரா டெவலப்பர்ஸ் நிறுவனத்துடன் இணைந்து எம் ஜெரினா பேகம் தயாரிக்க,
இயக்குனர் ஹரியிடம் வேங்கை, சிங்கம் , பூஜை போன்ற படங்களில் இணை இயக்குனராகப் பணியாற்றிய கே. ஜி. வீரமணி இயக்கி இருக்கும் படம் திறப்பு விழா .
புதுமுகம் ஜெயானந்த் நாயகனாக நடிக்க, பல படங்களில் நடித்த ரஹானா நாயகியாக நடிக்கும் இந்தப் படத்தில், மனோபாலா , ஜி எம் குமார், பசங்க சிவகுமார், ரோபோ சங்கர்,
சூப்பர் குட் லட்சுமணன், சிசர்ஸ் மனோகர், நாதஸ்வரம் முனீஸ், கவிதா பாலாஜி, ரெங்கநாயகி ஆகியோரும் நடிக்கின்றனர்.
ஒளிப்பதிவு ஆர் பி செல்வா, இசை வசந்த ரமேஷ், எடிட்டிங் பி ஜி வேல். கலை எஸ் எஸ் மூர்த்தி,, நிர்வாகத் தயாரிப்பு பி . ரத்னவேல்
பாடல்கள் நா,முத்துக்குமார், பழனி பாரதி, நந்தலாலா, ச, ஞானக் கரவேல் , நிலம் .
மக்கள் தொடர்பு – பெரு. துளசி பழனிவேல்
விருத்தாச்சாலம் , நெய்வேலி, கல்பாக்கம் , சென்னை முதலிய ஊர்களில் படப்பிடிப்பு நடந்து முடிந்து, இப்போது பின் பணியாகக வேலைகள் நடந்து கொண்டிருக்கும் இந்தப் படம் இம்மாதம் வெளியாக இருக்கிறது .
அதெல்லாம் சரி .. ‘ஆரம்பத்தில் என்னமோ சொன்னீங்களே அது என்ன?’ என்றுதானே கேட்கறீங்க .
இன்று தமிழகம் எங்கும் டாஸ்மாக்குக்கு எதிராக மக்களே கிளர்ந்து எழுந்து போராடி வருகிறார்கள் அல்லவா ?
அதை வைத்து கதை திரைக்கதை அமைத்து, காதல் உள்ளிட்ட பொழுது போக்கு அம்சங்களுடன் ஜனரஞ்சகமாக படததை எடுத்துள்ளார்களாம் .
சிறப்பு ! தேவையான கதை .
நல்லத சொல்றீங்க . நல்லா சொல்லுங்க மக்கா !
