18 ரீல்ஸ் சார்பில் எஸ் பி சவுத்ரி தயாரிக்க, ஐஸ்வர்யா ராஜேஷ், ஆடுகளம் நரேன், நடிப்பில் கின்ஸ்லின் என்பவர் இயக்கி இருக்கும் படம்.
டிரைவராக அப்பா கொலை செய்யப்பட்டு அம்மா நரம்பு இழுப்பு நோய்க்கு ஆளாகி , தம்பி வெளியூரில் இருக்கும் நிலையில் அத்தையின் விருப்பமின்மையையும் மீறி குடும்பத்துக்காக, கால் டாக்சி டிரைவராக இருக்கிறார் ஜமுனா ( ஐஸ்வர்யா ராஜேஷ்)
வெளியே நல்லவராகவும் உண்மையில் நேர்மாறானவராகவும் இருக்கும் அரசியல்வாதி ஒருவரை (ஆடுகளம் நரேன்) கொலை செய்ய வரும் கொடூரமான – போதைப்பழக்கம் கொண்ட நபர்களை உடைய ஒரு கூலிப்படை ஜமுனாவின் காரில் ஏறுகிறது. 
அதை அறிந்த ஒரு முன்னாள் போலீஸ் அதிகாரி இதற்குள் புகுந்து விசயத்தை தான் பழி தீர்க்க வேண்டிய விசயத்துக்குப் பயன்படுத்திக் கொள்ளப் பார்க்கிறார். டிரைவர் ஜமுனாவுக்கு என்ன ஆகிறது …
அதை அறிந்த ஒரு முன்னாள் போலீஸ் அதிகாரி இதற்குள் புகுந்து விசயத்தை தான் பழி தீர்க்க வேண்டிய விசயத்துக்குப் பயன்படுத்திக் கொள்ளப் பார்க்கிறார். டிரைவர் ஜமுனாவுக்கு என்ன ஆகிறது … என்று கதையைக் கொண்டு போய் ஒரு நிலையில் தோசையைத் திருப்பிப் போட்ட கதையாக, ‘மாத்தி யோசி ; தலைகீழாக யோசி’ பாணியில் ஒரு கதையை சொல்லி முடிக்கிறார் இயக்குனர் கின்ஸ்லி
கேரக்டரை உணர்ந்து நடித்துள்ளார் ஐஸ்வர்யா . சிறப்பான நடிப்பு
நல்ல லொக்கேஷன்களில் சிறப்பான ஒளிப்பதிவைக் கொடுத்துள்ளார் கோகுல் பினாய். ஜிப்ரான் இசை ஒகே ரகம் .
அனல் அரசுவின் ஆக்ஷன் காட்சிகள் மிரட்டல்.
கடைசியில் சொல்ல வந்த கதைக்குரிய பொருத்தப்பாடுகளை நம்பகத்தன்மையை ஏற்படுத்தும் கதாபாத்திர வடிவமைப்போ , காட்சிகளோ இல்லாதது ஒரு பின்னடைவு.
எனினும் கதாநாயகிக்கு முக்கியத்துவம் கொடுக்கும் பரபரப்பான படமாக வந்திருக்கிறது டிரைவர் ஜமுனா 
