எப் சி எஸ் கிரியேஷன்ஸ் சார்பில் துவார் ஜி சந்திரசேகர் தயாரிக்க, பரதன் , அன்சிபா லிவிங்ஸ்டன் , ஜெயப்பிரகாஷ் நடிப்பில்,
கதை திரைக்கதை வசனம் பாடல் எழுதி இயக்கி இருக்கும் படம் பாக்கணும் போல இருக்கு. படம் பாக்கணும் போல இருக்கா ? பேசுவோம்
நாயகனுக்கும் நாயகிக்கும் சிறுவயது முதலே பழக்கம் . அவனுக்கு சிறுவயது முதலே காதல் . அவள் வேறு ஊர் போய் வளர்ந்து மீண்டும் ஊருக்கு வருகிறாள் .
அவன் காதல் சொல்ல ஆரம்பத்தில் மறுக்கும் அவள் பின்னர் ஏற்கிறாள் .
இருவரும் ஒரு திரைப்படத்துக்கு போக, அங்கே திரை விமர்சனத்துக்கு ரசிகர் விமர்சனம் செய்யும் கேமராவில் அவர்கள் விழ, அதை ஒளிபரப்பில் எல்லோரும் பார்க்க , காதல் ஊருக்கு தெரிய வருகிறது .
இரண்டு பேரின் பெற்றோரும் பார்த்துப் பேசி திருமணம் நிச்சயம் செய்ய நாள் குறிக்க அந்த நாளில் நாயகனின் அண்ணனுக்கும் நாயகியின் அக்காவுக்கும் காதல் வருகிறது .
இரண்டு நிச்சயத்தையும் ஒன்றாக வைக்க எல்லோரும் முடிவு செய்ய, அப்படி செய்யக் கூடாது என்கிறார் குடும்பத்துக்கு மூத்த பாட்டி .
இந்த நிலையில் காதலனும் காதலியும் பிரியும் நிலை ஏற்படுகிறது . காரணம் என்ன என்பதே படம் .
படத்தின் துவக்கத்தில் அருள்தேவ் இசையில் வரும் ரெட்டை சடை பாட்டு சூப்பர் ஹிட் . காட்சியில் நடனத்தோடு ஜல்லிக்கட்டு காட்சிகளை இணைத்து இருப்பதும் அருமை
சூரி, பிளாக் பாண்டி இருவரும் ரொம்ப பிரெஷ்ஆக இருக்கிறார்கள். சூரி, பிளாக் பாண்டி கஞ்சா கருப்பு சேர்ந்து நிறைய பேசுகிறார்கள் . அதில் பலமுறை சிரிக்கவும் வைக்கிறார்கள்
நீளம் குறைத்து இடைவேளையிலேயே படம் முடிந்த உணர்வு வருவதையும் தவிர்த்து இருந்தால் படம் இன்னும் நன்றாக வந்திருக்கும்
