கண்ணன் கிரியேஷன்ஸ் சார்பில் தங்கவேலு தயாரிக்க, குஷ்பூவின் சகோதரரான அப்துல்லா , சாரிகா, ஜோதிஷா, இமான் அண்ணாச்சி ,
இவர்களுடன் கே ஆர் விஜயா ஆகியோர் நடிக்க, ராசா விக்ரம் என்பவர் எழுதி இயக்கி இருக்கும் படம் மாய மோகினி . இவள் மயக்குவாளா ? பார்க்கலாம் .
புடவை வியாபாரியான கிராமத்து இளைஞன் பிரகாஷை (அப்துல்லா) தேடி வான் உலகில் இருந்து இறங்கும் ஒரு மோகினி (சாரிகா) ,
‘நாம் பல பிறவிக் காதலர்கள்’ என்று சொல்லி அவனோடு உறவாடுகிறது . அவன் சேலை விற்கப் போன ஊரில் அவனோடு மோகினி வந்து உறவாட ,
அந்த ஊர்ப் பெண் யாரையோ பிரகாஷ் மயக்கிவிட்டதாக எண்ணும் ஊர்க் காரர்கள் அவனை அடித்துக் கொன்று விடுகிறார்கள்
இதனால் பல்லாண்டுகளாக அந்த ஊர் மக்கள் பயந்து வாழ்கின்றனர். சென்னையில் உள்ள குரு டி வி என்ற தொலைக் காட்சியில் நடக்கும்,
பேய் இருக்கா இல்லையா என்ற விவாதத்தில் பேய் இல்லை என்ற தரப்பு ஜெயிக்கிறது . முடிவில் பேய் இருக்கு என்று நிறுவினால்,
ஒரு லட்ச ரூபாய் தருவதாக அறிவிக்கிறது அந்த டி வி .
மோகினிப் பேய் வரும் அந்த ஊரைச் சேர்ந்த மக்கள் தங்கள் ஊரில் பேய் இருப்பதாகச் சொல்கிறார்கள் .
உண்மையா என்று விசாரிக்க தொலைக்காட்சி நிகழ்ச்சித் தயாரிப்பாளர் மற்றும் நெறியாளரான ஷீலாவும் (ஜோதிஷா)
ஊரில் சிவாவைப் பார்க்கும் ஒரு பெரியவர் (இமான் அண்ணாச்சி ) , பிரகாஷ் போலவே சிவா இருப்பதைக் கண்டு ”நீ இங்கு இருந்தால் உன் உயிருக்கே ஆபத்து” என்கிறார் .
அதை மீறி சிவா , ஷீலாவோடு மோகினியைப் பார்க்கப்போகிறான் , செத்துப் போன காதலன் பிரகாஷ்,
இந்தப் பிறவியில் சிவாவாக வந்திருப்பதை அறிந்த மோகினி சிவாவை மயக்கி ஷீலாவைக் கொன்று , சிவாவை அபகரித்துப் போக முயல ,
பிரகாஷ் மீது அன்பு கொண்டிருந்த பெண் சித்தர் ஒருவர் (கே ஆர் விஜயா) சிவா- ஷீலாவுக்கு உதவிக்கு வர , அப்புறம் என்ன நடந்தது என்பதே இந்தப் படம் .
சொல்ல வந்த கதையை எளிய மேக்கிங்கில் தெளிவாக சொல்லி இருக்கிறார்கள்.
மோகினி என்ற அமானுஷ்யம் பேய் ஆராய்ச்சி என்ற யதார்த்தம் இரண்டையும் இயல்பாக கலந்து சொல்கிறார்கள் .
மோகினி என்பதால் கவர்ச்சிக்கும் பஞ்சம் இல்லை . (அது கவர்கிறதா என்பது வேறு விஷயம் )
இமான் அண்ணாச்சிதான் நகைச்சுவை என்ற பெயரில் படுத்தி எடுக்கிறார்.
ஜெயராஜ் என்பவர் இசையில் பாடல்கள் தெளிவாகப் புரிவது சந்தோசம் .
தொழில்நுட்பம் நடிப்பு இவற்றில் எப்படி பெரிதாகப் பாராட்ட ஒன்றும் இல்லையோ அப்படியே குறை சொல்லவும் ஒன்றும் இல்லை .
படம் பெரிதாக போரடிக்கவில்லை என்பதையும் பாராட்டலாம் .
