சசி குமார் நாயகனாக நடித்த சுந்தர பாண்டியன் படத்தின் மூலம் புகழ் பெற்றவர் இயக்குனர் எஸ் ஆர் பிரபாகரன்.. கிராமியப் பின்னணியில் அமைந்த வித்தியாசமான் யதார்த்தமான திரைக்கதையின் மூலம் வெற்றி பெற்ற படம் .
உறவுகளுக்குள் வீடுகளில் பஞ்சாயத்துக் காட்சிகளை யதார்த்தமாக அமைத்துப் படம் பிடிப்பதில் இவர் வல்லவர் .
கதிர்வேலனின் காதல் உள்ளிட்ட படங்களுக்குப் பின் மீண்டும் சசிகுமார் நடிப்பில் இவர் இயக்கி இருக்கும் கொம்பு வச்ச சிங்கம் டா படம் பொங்கலுக்கு வெளியாகி இருக்கிறது .
சுந்தர பாண்டியன் படத்தில் இடம் பெற்ற ரெக்கை முளைத்தேன் பாடலின் பெயரில் இவர் இயக்கி இருக்கும் படம் ஒன்று தயாராகி வருகிறது .
அடுத்து வெப் சீரிஸ் ஒன்றை இயக்க இருக்கும் எஸ் ஆர் பிரபாகரன் அதை அடுத்து இயக்கப் போகும் படம் பரபரப்பான ஒன்று
பாக்யராஜ் இயக்கி நடித்து முதன் முதலில் தமிழில் ஒரு கோடி ரூபாய்க்கு பிசினஸ் ஆன படம் என்ற புகழைப் பெற்ற முந்தானை முடிச்சு படத்தை ரீம்க் செய்து இயக்கவிருக்கிறார் பிரபாகரன் அது பற்றிப் பேசும் பிரபாகரன், ” முந்தானை முடிச்சு ஒரு மாபெரும் வெற்றிப் படம் . அதன் ஒவ்வொரு காட்சிகளும் மக்கள் மனதில் இன்றும் நினைவில் இருக்கின்றன . மீண்டும் உருவாகும் நிலையில் சஸ்பென்ஸ் என்று எதையும் மெயின்டைன் செய்ய முடியாது. எனவே அதற்கேற்ப காட்சிகளை சுவாரஸ்யமாக மாற்றிக் கொண்டு இருக்கிறோம் . அதே போல கால மாற்றத்துக்கு ஏற்ப திரைகதையில் மாற்றம் செய்து கொண்டும் இருக்கிறோம் .
பழைய முந்தானை முடிச்சு போலவே ரீமேக் ஆகி வரும் முந்தானை முடிச்சு படத்தையும் வெற்றிப் படமாக்குவோம் ” என்கிறார்
