ஆதி திரைக்களம் தயாரிப்பில் சீமான், புகழ், சுபப்ரியா மற்றும் பலர் நடிப்பில் எழுத்தாளர் இமையத்தின் கதைக்கு திரை எழுத்து எழுதி களஞ்சியம் இயக்கி இருக்கும் படம்.
அந்த வழக்கை விசாரித்த காவல் அதிகாரியின் (சீமான்) நினைவு கூறலாக பயணிக்கும் படம், நடந்ததையும் காவல் அதிகாரி நடக்க வேண்டும் என்று விரும்பியதையும் சொல்லும் இடத்தில் பாராட்டுப் பெறுகிறது.
சாதி அவமானத்தை ஒழிக்க கிராமப்பகுதியில் உள்ள தாழ்த்தப்பட்ட இளைஞர்கள் எல்லாம் நகரத்துக்கு வந்து விடுங்கள் என்கிறார் களஞ்சியம். வந்து? சென்னை சென்ட்ரல் ஸ்டேஷன் பக்கத்தில் விவசாயம் செய்யலாமா? படித்து வேறு வேலைகளுக்கு போங்க என்கிறார் களஞ்சியம். அப்போ விவசாயத்தை முற்றாக ஒழித்து விடலாமா? கிராமங்கள் வரை சாதி ஒழிக்கப்பட வேண்டும் என்பதுதானே நோக்கமாக இருக்க வேண்டும். நகர்ப்புறங்களிலும் இன்று சாதியின் கோரப் பற்கள் ஒருபுறம் விரிந்து கொண்டுதானே இருக்கின்றன.
முந்திரிக்காடு பகுதியில் உள்ள கிராமங்களில் உள்ள – காதல் கல்யாணத்துக்கு எதிராக உள்ள சாதி வெறியால்- பலர் கொடூரமாக கொல்லப்படுகின்றனர் . இந்த நிலையில் பிற்படுத்தப்பட்ட சாதிப் பெண் ஒருத்திக்கும் (சுபப்ரியா) காவலர் பயிற்சிக்குப் போக இருக்கும் தாழ்த்தப்பட்ட சாதி இளைஞனுக்கும் (புகழ்) இருக்கும் நட்பை காதலாக நினைத்து பிற்படுத்தப்பட்ட சாதி ஆட்கள் இருவருக்கும் பல விதமான கொடுமைகள் செய்ய , அது உண்மைக் காதலாகவே மாற, மேலும் கொடுமைகள் தொடர என்ன நடக்கிறது என்பதே படம்.
அந்த வழக்கை விசாரித்த காவல் அதிகாரியின் (சீமான்) நினைவு கூறலாக பயணிக்கும் படம், நடந்ததையும் காவல் அதிகாரி நடக்க வேண்டும் என்று விரும்பியதையும் சொல்லும் இடத்தில் பாராட்டுப் பெறுகிறது. காதலர்களுக்கு எதிரான சாதிய வன்கொடுமைகளை அழுத்தமாகப் படமாக்கி இருக்கிறார் களஞ்சியம் . புகழ், சுபப்ரியா மிக சிறப்பாக நடித்துள்ளனர் . சுபப்ரியாவின் குரலும் உணர்வுப் பூர்வமும் அருமை .
காட்சிகளுக்கு ஏற்ப கனலும் ஒளிப்பதிவை கொடுத்துள்ளார் ஒளிப்பதிவாளர் சிவ சுந்தர்
அடுத்தடுத்து திருப்பங்களுடன் பயணிக்கிறது படம்.
சாதி அவமானத்தை ஒழிக்க கிராமப்பகுதியில் உள்ள தாழ்த்தப்பட்ட இளைஞர்கள் எல்லாம் நகரத்துக்கு வந்து விடுங்கள் என்கிறார் களஞ்சியம். வந்து? சென்னை சென்ட்ரல் ஸ்டேஷன் பக்கத்தில் விவசாயம் செய்யலாமா? படித்து வேறு வேலைகளுக்கு போங்க என்கிறார் களஞ்சியம். அப்போ விவசாயத்தை முற்றாக ஒழித்து விடலாமா? கிராமங்கள் வரை சாதி ஒழிக்கப்பட வேண்டும் என்பதுதானே நோக்கமாக இருக்க வேண்டும். நகர்ப்புறங்களிலும் இன்று சாதியின் கோரப் பற்கள் ஒருபுறம் விரிந்து கொண்டுதானே இருக்கின்றன. இப்படி குறைகள் இருந்தாலும் சாதிய ஆணவத்துக்கு எதிரான அழுத்தமான பதிவு இந்தப் படம் .
அப்புறம் … வேணாம் போதும் … படம் சுமார் மூன்று மணி நேரம் ஓடுது . நாமாவது விமர்சனத்தை சுருக்கமாக முடிப்போம்.
