சந்தீப் கிஷன், விக்ராந், ஹரிஷ் உத்தமன் ஆகியோர் நடிப்பில் D.இமான் இசையில் சுசீந்திரன் இயக்கத்தில் உருவாகி,
நவம்பர் 10 கடந்த வெள்ளி கிழமை அன்று வெளியாகி திரை அரங்குகளில் ஓடிக்கொண்டிருக்கிற “ நெஞ்சில் துணிவிருந்தால்” திரைப் படத்தின்,
மறு சீரமைப்பு வடிவம் இன்று முதல் அனைத்து திரையரங்குகளிலும் திரையிடப்படுகிறது.
கதாநாயகி மெஹ்ரீன் சம்பந்தப்பட்ட காட்சிகளை முற்றிலுமாக நீக்கியுள்ளது படக் குழு .
இது பற்றிப் பேசிய இயக்குநர் சுசீந்திரன் ” விமர்சகர்கள் மற்றும் , மக்களின் கருத்து மற்றும் நலம் விரும்பிகளின் கருத்துகளைக் கருத்தில் கொண்டு,
படத்தில் இருபது நிமிடத்தை நாங்கள் நீக்கி உள்ளோம். கதாநாயகி மெஹ்ரீன் சம்பந்தப்பட்ட அனைத்து காட்சிகளும் நீக்கப்பட்டுள்ளன..படத்தில் இடைவேளை மற்றும் கிளைமாக்ஸ் காட்சிகளிலும் மாற்றங்கள் செய்யப்பட்டு உள்ளது.
நெஞ்சில் துணிவிருந்தால் திரைப் படத்தின் புதிய வெர்சன் அனைத்து திரை அரங்குகளிலும் திரையிடப்பட்டு உள்ளது.
நாங்கள் 15 நாட்கள் மெஹ்ரீன் சம்பந்தப்பட்ட காட்சிகளைப் படமாக்கினோம். மெஹ்ரீன் நடித்த காட்சிகளை சூழ்நிலை காரணமாக இப்போது நீக்கி உள்ளோம்.
நான் அவரிடம் மன்னிப்பு கேட்டுக்கொள்கிறேன்” என்றார் .
