எஸ் எம் எஸ் மூவீஸ் சார்பில் ஏ சி சுரேஷ் , மகேந்திரன் , சாய் மகேந்திரன் ஆகியோர் தயாரிக்க,
கில்லி, குருவி, தூள் ஆகிய படங்களை இயக்கிய தரணி, புதிய கீதம் படத்தை இயக்கிய ஜெகன், வேட்டைக்காரன் படத்தை இயக்கிய பாபு சிவன்,
மௌன குரு படத்தை இயக்கிய சாந்த குமார் ஆகியோரிடம் உதவியாளராகப் பணியாற்றிய,
சுரேஷ் சீதாரம் முதன் முதலாக இயக்கும் காமெடி திரில்லர் படம் சைவ கோமாளி .
கோமாளியில் சிவமாவது அசைவமாவது ?
” ஒவ்வொரு மனிதனுக்குள்ளும் சைக்கோவும் உண்டு . கோமாளியும் உண்டு . அவன் எந்த முகத்தை எப்படி வெளிப்படுத்துவான் என்பது , இந்த சமூகம் அவனை எதிர்கொள்ளும் முறையில்தான் இருக்கிறது .
இந்த கருத்தையும் பெண்களுக்கு எதிரான வன்கொடுமைகளையும் அவற்றை தடுத்து நிறுத்துவதற்கான தீர்வையும் இந்தப் படத்தில் சொல்கிறேன்
படத்தில் அசிஸ்டன்ட் கமிஷனராக பவர் ஸ்டார் சீனிவாசன், உண்டு கொழுக்கும் வாழ்க்கை வாழும் கிரிமினல் அமைச்சராக ஜி எம் குமார், மிரட்டலான சைக்கோ வேடத்தில் புதுமுகம் ரஞ்சித் ,
கலக்கலான காமெடி வேடத்தில் டி பி கஜேந்திரன் ஆகியோர் நடித்துள்ளனர்.
இவர்களோடு சூப்பர் குட் லட்சுமணன், கிரேன் மனோகர், கிருஷ்ணமூர்த்தி, டி கே கலா, வனிதா , காயத்ரி ஆகியோரும் நடித்துள்ளனர் ” என்கிறார் இயக்குனர் .
படத்தில் வேறு என்ன ஸ்பெஷல்?
“108 ஆம்புலன்சின் முக்கியத்துவத்தை பற்றி விளக்கும் வகையில் ‘ஆம்புலன்ஸ் சத்தம் கேட்டா ஒதுங்கு, யம்மா ஹாஸ்பிடல் வந்துடுச்சி இறங்கு ‘ என்ற பாடலை கானா பாலா எழுத ,
அதை ஈ சி ஆர் ரோடு, பல்லாவரம், பம்மல், கீழூர், மணப்பாக்கம் போன்ற பகுதிகளில் குத்துப் பாட்டாக எடுத்து உள்ளோம் . ஆம்புலன்ஸ் கம்பவுண்டராக நான் கடவுள் ராஜேந்திரன்,
டிரைவராக ‘நடுவுல கொஞ்சம் பக்கத்தைக் காணோம் ‘ படத்தில் நடித்த ராஜ்குமார், முதலுதவி மருத்துவராக ரெஹானா ஆகியோர் ஆடிப்பாடி நடித்துள்ளார்கள் ” என்றார் .
படத்துக்கு ஒளிப்பதிவு பாலா, இசை கணேஷ் ராகவேந்திரா, எடிட்டிங் வி டி விஜயன், டி எஸ் ஜெய் , கலை – கார்த்திக், ராஜ்குமார்.
நடனம் தம்பி சிவா சண்டைப் பயிற்சி டி. ஷங்கர் , மக்கள் தொடர்பு பெரு. துளசி பழனிவேல்
வரும் 27ஆம் தேதி இசை வெளியீடு காண இருக்கிறான் ‘சைவ கோமாளி’
