குறும்படங்களில் இருந்து வரும் திரைப்படங்கள் படங்கள் தோற்கட்டும்…. ஜெயிக்கட்டும்..
.ஆனால் குறும்படங்கள் தங்களுக்கென ஒரு கோட்டையை கட்டிக் கொண்டன என்பது மறுக்க முடியாத உண்மை.
நல்ல குறும்படங்கள் வரும்போது அந்த கோட்டை இன்னும் வலுவாகிறது . அப்படி ஒரு குறும்படம்தான் சரித்திரத்தில் ஒரு ஈ .
அழகான பெண்ணை காதலித்து அம்சமாக வாழ நினைக்கும் ஒரு இளைஞனின் வாழ்க்கைத் தலையில் கேன்சர் என்ற இடி விழுகிறது .
விஷயம் அறிந்த காதலி காதலை காற்றில் கழுவி விட்டு விலக ,
அப்புறம் அவன் காடு மலை தூர தேசம் ஆன்மிகம் எல்லாம் கடந்து போய் என்ன ஆகிறான் என்பதை
வித்தியாசமாக சொல்லி இருந்தது இந்தக் குறும்படம் .
படத்தின் அறிமுக விழாவில் கலந்து கொண்ட கார்த்திக் சுப்புராஜ் படத்தை வெகுவாக பாராட்டினார் .
இயக்குனர் செல்வராகவன் , நடிகர் தனுஷ் இவர்களின் தந்தையான இயக்குனர் கஸ்தூரி ராஜா “நான் பார்த்த சிறந்த குறும்படம் இது. படமாக்கல் நடிப்பு இசை எல்லாம் சிறப்பாக வந்துள்ளது.” என்றவர்
“சினிமாவுக்கு இசை ரொம்ப முக்கியம் . நான இளையராஜா இசையில் பதினைந்து படங்களை இயக்கி உள்ளேன் . எனக்கு அவர் சரியான இசையை தரவே இல்லை ” என்று ஒரு போடு போட்டு விட்டுப் போனார் .
சரித்திரத்தில் ஒரு ஈ குறும்படம் எல்லோராலும் பாராட்டப்பட்டது குறிப்பிடத்தக்க விஷயம் .
