சுதா மூவி கிரியேஷன்ஸ் சார்பில் ஏ.கண்ணதாசன் மிகப்பெரிய அளவில்,
பிரம்மாண்டமான முறையில் தயாரிக்கும் படம் அந்தமான்.
கதாநாயகனாக ரிச்சர்ட், கதாநாயகியாக மனோசித்ரா நடிக்கிறார்கள்.
இவர்களுடன் மனோபாலா, வையாபுரி, மீரா கிருஷ்ணன், அறிமுக வில்லன் கண்ணதாசன்…
முத்துக்காளை, சாம்ஸ், நெல்லை சிவா, போன்டா மணி…
மற்றும் கிரேன் மனோகர், சிசர் மனோகர், லொள்ளுசபா மனோகரன் ஆகியோர் நடிக்கிறார்கள்.
கானா பாலா ஒரு பாடல் பாடி நடிக்கிறார்.
கதை, வசனம், பாடல்கள் டி.ஆர்.எஸ்.ரமணி ஐயர் எழுதுகிறார்.
எஸ்.பி.ஜனநாதனின் உதவியாளர் ஆதவன் இப்படத்தை இயக்குகிறார்.
எஸ்.பி.எல்.செல்வதாசன் இசையமைக்க, ஆர்.செல்வா ஒளிப்பதிவு செய்கிறார்.
பூமித்தாயை நேசிக்கும் ஒரு புதல்வன் படும்பாட்டையும்,
தேசத்தைக் காப்பற்ற சேதம் விளைவிப்போரை சூறையாடுவதையும்,
களமாகக் கொண்ட இந்தப படத்தின் கதை ஆரம்பத்தில் தமிழகத்திலும், பின்னர் அந்தமானிலும் படமாகிறது.
அந்தமானைச் சேர்ந்த ஏ.கண்ணதாசன் இப்படத்தை,
இயற்கை எழில் கொஞ்சும் அந்தமானின் முக்கிய பகுதிகளில் தயாரிக்கிறார்.
இப்படத்தின் துவக்க விழா பூஜையுடன் ஏவிஎம் ஸ்டுடியோவில் நடைபெற்றது.
இதில் இயக்குநர் எஸ்.பி.ஜனநாதன், ஸ்டண்ட் மாஸ்டரும், கில்ட் செயலாளருமான ஜாக்குவார் தங்கம்,
இயக்குநர்கள் சங்கத் தலைவர் விக்ரமன்,
நடிகர்கள் சரவணன், மன்சூர் அலிகான் மற்றும் ‘அந்தமான்’ படத்தின் நாயகன் ரிச்சர்ட், நாயகி மனோசித்ரா,
தயாரிப்பாளர் ஏ.கண்ணதாசன், இயக்குநர் ஆதவன் உள்ளிட்ட,
படக்குழுவினர் ஆகியோர் கலந்துக்கொண்டார்கள்.
படம் பற்றிக் கூறும் இயக்குனர் ஆதவன்” பால் கொடுக்கும் தாயின் மார்பை கடித்துக் குதறி,
ரத்தம் குடிக்கும் கொடூர குணம் போல ஆகி விட்டது மனித குலத்தின் சுயநலம்.
அந்த பூமித் தாயை அழித்துக் கொண்டு இருக்கிறது.
இதில் ஆதிக்க சக்திகள் , பணப் பேய்கள், சுயலப் பிசாசுகள் என்று எல்லோருமே ஈடுபடுகிறார்கள் .
தவிர அதற்கு எதிராகக் குரல் கொடுப்போரை அழிக்கவும் அவர்கள் தயங்குவது இல்லை .
அப்படி பூமித் தாயை அழிக்கும் ஒரு கூட்டத்துக்கு எதிரான,
ஒரு நல்ல மனம் கொண்ட தனிமனிதனின் போராட்டமும்,
அதில் அவன் வென்றானா இல்லை தோற்றானா என்பதுவுமே , இந்த படம் .
படத்தின் இருபது சதவீதம் சென்னையில் படமாகிறது . மீதிப் படம் முழுக்க அந்தமானில் படமாகிறது .
படத்துக்காக அந்தமானில் கடலில் நீருக்கு அடியில் ,
ஒரு பிரம்மாண்டமான சண்டைக் காட்சியை படமாக்க இருக்கிறோம் .
அது படத்தின் மிகப் பெரிய பலமாக இருக்கும்” என்கிறார்
