அங்காரகன் @ விமர்சனம்

ஜூலியன் & ஜெரோமா இன்டர்நேஷனல் நிறுவனம் சார்பில் ஜோமோன் பிலிப் மற்றும் ஜீனா ஜோமோன் தயாரிக்க,  ஸ்ரீபதி கதாநாயகனாக நடித்து  திரைக்கதையை எழுதி இணை  இயக்குனராகவும் பணியாற்ற, சத்யராஜ்,  அங்காடித்தெரு மகேஷ், ரெய்னா காரத், ரோஷன், அப்புக்குட்டி, தியா, நேகா ரோஸ், குரு சந்திரன், கேசிபி பிரபாத் நடிப்பில் மோகன் டச்சு என்பவர் இயக்கி இருக்கும் படம் . 

பிரிட்டிஷ் இந்தியாவில் தமிழக பழங்குடி கிராமம் ஒன்றை அழிக்கிறார் பிரிட்டிஷ் அரசி. அந்தக் கிராமத் தலைவனை அவள் கொல்கிறாள். 
 
மலைக் காட்டில் ராணியும் வசித்து பின் இறந்து சமாதி வைக்கப்பட்ட  இடத்தில்  இப்போது ஒரு ரிசார்ட் இருக்கிறது . ரிசார்ட் உரிமையாளர்  அகால மரணம் அடைந்த நிலையில் அவள் மனைவியும் மகளும் நிர்வகிக்கும் ரிசார்ட் அது . அங்கு இருக்கும் ராணி  வசிக்கும் அறையை மட்டும் திறக்கக் கூடாது என்ற கட்டுப்பாடு இருக்கிறது . 
 
அந்த ரிசார்ட்டுக்கு,  நல்ல புரிதல் உள்ள ஒரு வயதான தம்பதி, புரிதல் இல்லாத ஓர் இளம் தம்பதி,  ஒரு இளைஞன் அவனது இரண்டு தோழிகள், ஒரு பெண் எழுத்தாளர் ஆகியோர் தங்கி இருக்கும் சூழலில்,  ஒரு பார்ட்டிக்காக ராணி வசித்த அறையைத் திறந்து சுத்தம் செய்து பார்ட்டி கொண்டாட பலரும் குணம் மாறுகிறார்கள். இளம் தம்பதியின் கணவன் ,  தோழிகளுடன் வந்த இளைஞன், ரிசார்ட் மேனேஜர் ஆகியோர் அடித்துக் கொள்கிறார்கள் . 
 
இளைஞனின் தோழி ஒருத்தியைக் காணவில்லை. பெண் எழுத்தாளர் என்ன ஆனார் என்று தெரியவில்லை. 
 
விசாரிக்க  வருகிறார் போலீஸ் அதிகாரி. (சத்யராஜ்) . 
 
அவர் விசாரணையின் போதே இளம் கணவன் , இளைஞனின் இன்னொரு தோழி, ரிசார்ட் உரிமையாளர் மகள் இப்படி எல்லோரும் பேய் ஆகிறார்கள் . 
 
பூசாரி ஒருவர், “மீண்டும் ராணி அறை திறக்கப்பட்டதால் ராணியை மீண்டும் பழிவாங்க அங்காரகன் ஜென்மம் கடந்து வந்து விட்டான். அங்கு போன எல்லோரையும் ராணியாக நினைத்துக் கொல்கிறான்” என்கிறார் . 
 
நடந்தது என்ன என்பதே படம் 
 
அட்டகாசமான லொக்கேஷன் . விதம் விதமான பெண் கதாபாத்திரங்கள் அதனால் பொங்கும் கவர்ச்சி இவை ப்ளஸ் . 
 
அடிப்படையில் நல்ல கதை கூட  . கிராஃபிக்ஸ், கிளைமாக்ஸ் கூட ஒகே ரகம்தான் . 
 
ஆனால் சுவாரசியம் இல்லாத காட்சிகள், தேவை இல்லாமல் நீளும் காட்சிகள், மிக சாதரணமான மேக்கிங் இவை பெரிய பின்னடைவாகப் போய்விட்டது 
 

About Su Senthilkumaran

பெயர் : சு.செந்தில் குமரன் புனைப் பெயர் : ராஜ திருமகன் கல்வித் தகுதி : B.E. Mechanical பிரசுரமான முதல் படைப்பு : கவிதை -- பெங்களூரில் நடந்த 'பெரிய' மாநாட்டில் தேங்காய் எண்ணையில் சமைத்த உணவே தேவை என்றாராம் ஜெயவர்த்தனே! நல்ல வேளை..... தமிழன் ரத்தம் கேட்கவில்லையே (ஜூனியர் விகடன் ) பத்திரிக்கைப் பணி : விகடன் மாணவ நிருபர் திட்டம் மிகச் சிறந்த நிருபர் (outstanding reporter) விருது விகடன் குழும இதழ்களின் சிறப்பு நிருபர் (பல ஆண்டுகள்) விளம்பர முகவர் ---ஏற்றுமதி உலகம் இதழ் (ஒரு ஆண்டு) கட்டுரைப் பகுதி பொறுப்பாசிரியர் --மாலை முரசு குழும இதழ்கள் (பல ஆண்டு) சினிமா பகுதி ஆசிரியர் (தின மதி நாளிதழ்) நிருபர் (குமுதம்) உதவி ஆசிரியர் (குமுதம் ரிப்போர்ட்டர்) பொறுப்பாசிரியர் (குமுதம் ஹெல்த்) சினிமா பகுதி ஆசிரியர் (தின இதழ் நாளிதழ் ) தொலைக்காட்சிப் பணி : நிகழ்ச்சி தயாரிப்பாளர் (சன் டி வி மற்றும் சன் நியூஸ் தொலைக்காட்சி ) நிகழ்ச்சி ஆங்கர் (மக்கள் டிவி , டான் டிவி , டி டி என் தொலைக் காட்சி ) நடுவர் (ஜெயா டிவி டாக்குமெண்டரி விருது ) திரைப் படைப்பாளியாக : உதவி மற்றும் இணை இயக்குனர் --ஆர்.வி. உதயகுமார் (பல படங்கள்) நடிகர் -- முழு நீள கதாபாத்திரம் -- அஜந்தா (தமிழ் , தெலுங்கு ) -- நட்புக்காக (இரும்புக் கோட்டை முரட்டு சிங்கம் , முத்துக்கு முத்தாக) -- கஸ்தூரி , இளவரசி தொலைக்காட்சித் தொடர்கள் பாடலாசிரியர் -- அஜந்தா (இளையராஜா), அடாவடி (தேவா), முத்துக் குமரனின் காதல் (நவநீத் ) வெண்மேகம் (ஜாபர் ) அடுத்த கட்டம் : திரைப்பட இயக்கம் /நடிப்பு / எழுத்து தொடர்புக்கு : su.senthilkumaran@gmail.com / 91 98400 76462

View all posts by Su Senthilkumaran →

Leave a Reply

Your email address will not be published. Required fields are marked *