கேப்டன் @ விமர்சனம்

Think Studios மற்றும்  The Show People  தயாரிப்பில் ஆர்யா,  சிம்ரன், ஐஸ்வர்யா லக்ஷ்மி, ஹரிஷ் உத்தமன், காவ்யா ஷெட்டி கோகுல் ஆனந்த், சுரேஷ் மேனன், பரத் ராஜ், அம்புலி கோகுல் நடிப்பில் சக்தி சவுந்தரராஜன் இயக்கி இருக்கும் படம். 

 
வடக்கே சீனா , மேற்கே நேபாளம் ஆகியவற்றை எல்லைகளாகக் கொண்ட வடகிழக்கு இந்தியக் காட்டுப் பகுதியை மக்கள் பார்வைக்கு தயார் செய்ய விரும்பிய அரசாங்கம் , அந்தக் காட்டைப் பார்வையிட்டு வர ராணுவ வீரர்களை அனுப்புகிறது . போகும் வீரர்களில் ஒருவர் திடீரென்று மற்றவர்களை சுட்டு விட்டு தானும் தற்கொலை செய்து கொள்கிறார் . அடுத்து வெற்றிச் செல்வன் என்ற ராணுவ அதிகாரி ( ஆர்யா) தலைமையில் ஒரு குழு (ஹரிஷ் உத்தமன், காவ்யா ஷெட்டி கோகுல் ஆனந்த், பரத் ராஜ், அம்புலி கோகுல்) அந்தக் காட்டுக்கு செல்கிறது. ஒருவர் செத்துப் போனாலும் அங்கே மினோட்டார் என்ற வித்தியாசமான உயிரினம் இருப்பதைக் கண்டு பிடிக்கிறார்கள் . 
 
அவற்றை அழிக்கும் முயற்சியில் நடந்தது என்ன என்பதே படம். 
 
அட்டகாசமான விஷுவல்கள் . லொக்கேஷன்கள் பிரம்மாதம். ஒளிப்பதிவாளர் யுவா கவர்கிறார் .  D இமான் (இசை), பிரதீப் E ராகவ் (எடிட்டர்), S.S.மூர்த்தி (தயாரிப்பு வடிவமைப்பு) ஆகியோரின் பங்களிப்பும் ஓகே. 
மிலிட்டரி பற்றிய விவரணைகள் அருமை , படமாக்கலில்  அசத்துகிறார் சக்தி சவுந்தரராஜன் . நடிகர்கள் தோற்றப் பொருத்ததில் கவர்கிறார்கள். 
 
ஆனால் முக்கிய விசயத்தில் கோட்டை விட்டு விட்டார்கள். ஒன்று திரைக்கதை . மற்றொன்று அந்த உயிரினத்தின் தோற்றம் வடிவமைப்பு மற்றும் செயல்பாடுகள் . 
 
கடைசியில் சுற்றுச் சூழல் சீர்கேட்டுக்கு எதிராக பேசுவதை பாராட்டலாம் . 

About Su Senthilkumaran

பெயர் : சு.செந்தில் குமரன் புனைப் பெயர் : ராஜ திருமகன் கல்வித் தகுதி : B.E. Mechanical பிரசுரமான முதல் படைப்பு : கவிதை -- பெங்களூரில் நடந்த 'பெரிய' மாநாட்டில் தேங்காய் எண்ணையில் சமைத்த உணவே தேவை என்றாராம் ஜெயவர்த்தனே! நல்ல வேளை..... தமிழன் ரத்தம் கேட்கவில்லையே (ஜூனியர் விகடன் ) பத்திரிக்கைப் பணி : விகடன் மாணவ நிருபர் திட்டம் மிகச் சிறந்த நிருபர் (outstanding reporter) விருது விகடன் குழும இதழ்களின் சிறப்பு நிருபர் (பல ஆண்டுகள்) விளம்பர முகவர் ---ஏற்றுமதி உலகம் இதழ் (ஒரு ஆண்டு) கட்டுரைப் பகுதி பொறுப்பாசிரியர் --மாலை முரசு குழும இதழ்கள் (பல ஆண்டு) சினிமா பகுதி ஆசிரியர் (தின மதி நாளிதழ்) நிருபர் (குமுதம்) உதவி ஆசிரியர் (குமுதம் ரிப்போர்ட்டர்) பொறுப்பாசிரியர் (குமுதம் ஹெல்த்) சினிமா பகுதி ஆசிரியர் (தின இதழ் நாளிதழ் ) தொலைக்காட்சிப் பணி : நிகழ்ச்சி தயாரிப்பாளர் (சன் டி வி மற்றும் சன் நியூஸ் தொலைக்காட்சி ) நிகழ்ச்சி ஆங்கர் (மக்கள் டிவி , டான் டிவி , டி டி என் தொலைக் காட்சி ) நடுவர் (ஜெயா டிவி டாக்குமெண்டரி விருது ) திரைப் படைப்பாளியாக : உதவி மற்றும் இணை இயக்குனர் --ஆர்.வி. உதயகுமார் (பல படங்கள்) நடிகர் -- முழு நீள கதாபாத்திரம் -- அஜந்தா (தமிழ் , தெலுங்கு ) -- நட்புக்காக (இரும்புக் கோட்டை முரட்டு சிங்கம் , முத்துக்கு முத்தாக) -- கஸ்தூரி , இளவரசி தொலைக்காட்சித் தொடர்கள் பாடலாசிரியர் -- அஜந்தா (இளையராஜா), அடாவடி (தேவா), முத்துக் குமரனின் காதல் (நவநீத் ) வெண்மேகம் (ஜாபர் ) அடுத்த கட்டம் : திரைப்பட இயக்கம் /நடிப்பு / எழுத்து தொடர்புக்கு : su.senthilkumaran@gmail.com / 91 98400 76462

View all posts by Su Senthilkumaran →

Leave a Reply

Your email address will not be published. Required fields are marked *