சாய் புரொடக்சன் பட நிறுவனம் சார்பில் சார்மிளா மாண்ரே மற்றும் ஆர்.சர்வண் தயாரிக்கும் படம் “ இவனுக்கு எங்கேயோ மச்சம் இருக்கு “
விமல் கதாநாயகனாக நடிக்கிறார். நாயகியாக ஆஷ்னா சவேரி நடிக்கிறார்.
மற்றும் ஆனந்த ராஜ், சிங்கம்புலி, மன்சூரலிகான், லோகேஷ், வெற்றி வேல்ராஜ், ஆத்மா ஆகியோருடன் போலீஸ் அதிகாரி வேடத்தில் பூர்ணா நடிக்கிறார்.
முதல் முறையாக ஆங்கில நடிகை “ மியா ராய் “ கன்பைட் காஞ்சனா என்ற கதாபாத்திரத்தில் அறிமுகமாகிறார்.
ஒளிப்பதிவு – கோபி ஜெகதீஸ்வரன்
இசை – நடராஜன் சங்கரன்
பாடல்கள் – விவேகா
கலை – வைரபாலன்
நடனம் – கந்தாஸ்
ஸ்டண்ட் – ரமேஷ்.
எடிட்டிங் – தினேஷ்
தயாரிப்பு மேற்பார்வை – சுப்ரமணி
தயாரிப்பு நிர்வாகம் – பி.ஆர்.ஜெயராமன்
தயாரிப்பு – சர்மிளா மாண்ரே, ஆர்.சர்வண்
திரைக்கதை வசனம் எழுதி இயக்குகிறார் AR.முகேஷ்.
படத்தின் பாடல் வெளியீட்டு விழாவில் பேசிய மன்சூர் அலிகான், “கஜா புயலின் பாதிப்பு மிக அதிகம் .
இன்னும் நிறைய நிவாரண பொருட்கள் மக்களுக்கு தேவைப்படுகிறது . என் கையில் எதுவும் இல்லாமல் தீர்ந்து விட்டதால் திரும்பி வந்து விட்டேன் .
தென்னை முதலிய பயிர்களின் இழப்பு மூலம் ஏற்பட்டு இருக்கும் நஷ்டம் இன்னும் பல வருடங்கள் பாதிப்பை ஏற்படுத்தும் .
கோடியக் கடல் , கோடியக்கரை பகுதி மிருகங்கள் எல்லாம் செத்து விட்டன ” என்றார் .
படம் பற்றி பேசிய இயக்குனர், “இது கிளாமர் கலந்த ஹூயூமர் படம் என்று ஆரம்பத்திலேயே கூறி இருக்கிறோம்..
சினிமா என்பதே ஏழு வகையான கதையமைப்பு கொண்டவை தான்..இதற்குள் தான் எல்லா படங்களுமே அடங்கும்.
கிளாமரையும், நகைச்சுவையையும் சரிவிகிதத்தில் கலந்து திரைக்கதையை அமைத்துள்ளோம்
அதில் ஒரு வகை கிளாமர் ஹுயூமர்…அதைத் தான் இதில் கையாண்டிருக்கிறோம்.
கிளாமரிலும் எல்லை மீறாத அளவையே தொட்டிருக்கிறோம்.
இந்த படத்தின் படப்பிடிப்பு லண்டனில் 20 நாட்களும் , சென்னை, தென்காசி, குற்றாலம் பகுதிகளில் 30 நாட்களும் நடைபெற்றது.” என்றார்
