ட்ரிப்பிள் டர்ட்டில் பட நிறுவனம் சார்பில் மன்னு தயாரிக்க, நகுல், ஆன்சல் முஞ்சால், பிரகாஷ் ராஜ், நாசர்,
தலைவாசல் விஜய் நடிப்பில் ராஜ் பாபு எழுதி இயக்கி இருக்கும் படம் செய் . செய்கிறதா ? இல்ல வச்சு செய்யுதா ? பேசுவோம் .
சிறு கடைகளின் விளம்பர போர்டு படங்களுக்கு போஸ் கொடுத்து சம்பாதித்துக் கொண்டு சினிமா நடிகனாக முயலும்,
சரவெடி சரவணனின் ( நகுல்) தந்தை ஒரு ஆம்புலன்ஸ் டிரைவர் ( பசங்க சிவகுமார்)
அப்பாவுக்கு மாரடைப்பு வர . அவரை காப்பாற்ற உதவும் ஓர் இளைஞன் மருத்துவமனைக்கு அனுப்புகிறான் .
அப்பா பிழைக்கிறார் . ஆனால் ஒய்வு எடுக்க வேண்டிய நிலை .
எனவே சரவணன் ஆம்புலன்ஸ் டிரைவராக பணியாற்றப் போகிறான் . அரசு மருத்துவமனை பிண அறையில் உள்ள ஒருவரை,
ஒரு முதியவர் ( நாசர்) மற்றும் சிலர் தங்கள் கிராமத்துக்கு கொண்டு போக சரவணன் ஆம்புலன்ஸ் ஓட்டிப் போகிறான் . அந்த நபர்கள் யாரும் பிணத்தின் உறவினர் இல்லை என்பதும் அந்த பிணத்தை திருட்டுத் தனமாக கைப்பற்றி எரிக்க முயல்பவர்கள் என்பதும்,
சரவணனுக்கு தெரிகிறது . பிணம் யாரென்று பார்த்தால் .. அப்பாவை காப்பாற்றிய இளைஞன்.
தொடரும் காட்சிகளில், முன்பு மன நல மருத்துவமனை ஒன்று நோயாளிகள் உட்பட பலரோடு எரித்துப் பொசுக்கப்பட்டதும் ,
நல்ல வகையில் அதற்கு உதவி செய்து வந்த அமைச்சர் கொல்லப் பட்டதற்குமான முடிச்சு பிணமாக உள்ள,
அந்த பத்திரிகையாளர் இளைஞனின் போனில் உள்ள ஒரு வீடியோவில் இருக்கிறது . ஒரு நிலையில் அந்த ஆதாரத்தை பத்திரமாகக் கொண்டு வந்து குற்றவாளிகளை அடையாளம் காட்டும் வேலையை,
செய் என்று சரவணனிடம் சொல்கிறார் உயர் போலீஸ் அதிகாரி (பிரகாஷ் ராஜ் )
செய்ய முடிந்ததா சரவணனால் என்பதே இந்த [படம் .
இதில் முதல் படத்துக்கு கதை தேடி அதற்காக சுவாரஸ்யமான நபர்களை பின் தொடர்ந்து அந்த வகையில்
சரவணனை பின் தொடர்ந்து அவனுக்கு உதவும் கதாநாயகி (ஆன்சல் முஞ்சால்). அது ஒரு டிராக் .
நக்கல் யதார்த்தமாக இல்லாவிட்டாலும் உற்சாகமாக நடிக்கிறார் .
ஆன்சல் முஞ்சால் கழுத்துக் கீழே கவர்கிறார் . தலைவாசல் விஜய் யதார்த்தம் . பிரகாஷ் ராஜ் மிடுக்கு .
விஜய் உலகநாத்தின் ஒளிப்பதிவு கவனிக்க வைக்கிறது .
படம் ஒரே நேரக் கோட்டில் போய் முடிகிறது .
ஒரு கதை கூட சுவாரஸ்யமாக பண்ண முடியாத ஹீரோயின், டைரக்டர் ஆகி என்ன கிழிக்கப் போகிறார் என்பது முதல்
பல யதார்த்தமற்ற – அல்லது யூகிக்க முடிந்த காட்சிகள் அதிகம் இருப்பதை தவிர்த்து இருக்கலாம்
குற்றவாளி யார் என்பதில் சஸ்பென்சைக் காப்பாற்றி அசத்தி இருக்கிறார் ராஜ் பாபு .
