தப்பாட்டம் படத்தில் தப்பாட்டக் கலைஞனாக கதாநாயகனாக நடித்தவர் பப்ளிக் ஸ்டார் துரை சுதாகர் .
அந்தப் படத்தில் தாடியும் சோகமுமாக தோன்றிய பப்ளிக் ஸ்டார் இப்போது துள்ளும் சிரிப்பு , உற்சாக முகம் , பளபள முகம் வெள்ளை வேட்டி சட்டை என்று ஜொலிக்கிறார் .
இது எந்த படத்துக்கு என்றால் ”ஒரு புதுப் படத்துக்கு ”என்கிறார் பளீர் சிரிப்போடு .
தஞ்சாவூர்க்காரரான பப்ளிக் ஸ்டாரின் அடிப்படை தொழில் ரியல் எஸ்டேட் . அதே நேரம் சினிமா ஆசை .
“இது வரை தப்பாட்டம் , ஜூலியும் நாலு பெரும் உட்பட பத்து படங்களில் நடித்து விட்டேன் . ரியல் எஸ்டேட் தொழிலும் சிறப்பாகப் போகிறது . 
என்னை நடிக்க அழைப்பவர்கள் நான் நடித்தால் பொருளாதார உதவியும் கிடைக்கும் என்று நினைத்து வருகிறார்கள்.
அதற்காக எல்லா படங்களுக்கும் நான் அப்படி செய்ய முடியாது . நல்ல கதை நல்ல கதாபாத்திரம் இருந்தால்,
அந்தப் படத்துக்கு கை கொடுப்பது தவறு இல்லை என்று எண்ணுகிறேன் .
அதே நேரம் இதற்கெல்லாம் அப்பாற்பட்டு ஒரு நடிகனாக நல்ல கதாபாத்திரத்துக்கு காத்திருக்கிறேன் ” என்கிறார் .
“பொதுவாக ரியல் எஸ்டேட் பிரமுகர்கள் படம் தயாரிக்கத்தான் வருவார்கள் ? நீங்கள் நடிக்க வந்தது எப்படி ?” என்று கேட்டதற்கு , 
” நான் ரியல் எஸ்டேட்காரர் மட்டுமல்ல . ஒரு வழக்கறிஞரும் கூட. எனக்கு நடிப்பின் மீது ஆசை உண்டு .
” நான் ரியல் எஸ்டேட்காரர் மட்டுமல்ல . ஒரு வழக்கறிஞரும் கூட. எனக்கு நடிப்பின் மீது ஆசை உண்டு .அதே நேரம் நல்ல கதை திரைக்கதை , மக்கள் அறிந்த நடிகர்கள் , வியாபாரத்தை மீறி கையைக் கடிக்காத பட்ஜெட் இவற்றோடு நல்ல கதை அமைந்தால் ,
அப்படி என்னை கவரும் கதையும் வந்தால் படம் தயாரிக்கவும் தயார் . ஆனால் இந்த விசயத்தில் என்னை யாரும் ஏமாற்ற முடியாது ” என்கிறார்.
அசத்துங்க !
