எங்கேயும் எப்போதும் என்ற அட்டகாசமான படத்தின் மூலம் கொண்டாடப்பட்ட இயக்குனர் சரவணன் இப்போது லைகா மூவீஸ் தயாரிப்பில் திரிஷா நடிப்பில் இயக்கி இருக்கும் படம் ராங்கி
ராங்கி என்பது தன்னம்பிக்கையால் ஏற்படும் செருக்கு . இது ஒரு கதாநாயகி முக்கியத்துவப் படம்.
இதில் திரிஷா பத்திரிக்கையாளராக வருகிறார் .
ஒரு பெண்ணுக்கு ஏற்பட்ட தனிப்பட்ட பிரச்னையை அந்தப் பத்திரிகையாளர் கையில் எடுக்க , அது அயல்நாடு வரை போக , அங்கே போனதும் அதன் வேர் தனிப்பட்ட பிரச்னையில் இருந்து பொதுப் பிரச்னையாக மாற அப்புறம் என்ன நடக்கிறது என்பதே படம். அதில் சில சரியான விசயங்களை சொல்ல நினைத்த தன்னை சென்சார் விடவில்லை. என்கிறார் சரவணன்
”லிபியா மீது அமெரிக்கா தொடர் பகைமை பாராட்டக் காரணம் அதன் கனிம வளம் . எனவே கனிம வளம் உள்ள இந்தியா கவனமாக இருக்க வேண்டும் என்று சொல்ல வந்தேன் . சென்சார் விடவில்லை.
அமெரிக்க நட்பு நாடு என்று சொல்லி விட்டார்கள் . அதனால் படத்தில் முப்பதுக்கும் மேற்பட்ட இடங்களில் கத்தரி போட்டு விட்டார்கள். லிபியா, ரா (உளவுத்துறை) போன்ற வார்த்தைகளைக் கூட தணிக்கை செய்து விட்டார்கள். ஆனால் அது கமர்ஷியலாக படத்தை பாதிக்காது. சிறப்பான ஆக்ஷன் படமாக இருக்கும்” என்று சொல்லி டிரைலரையும் போட்டுக் காட்டினார்.
உஸ்பெக்கிஸ்தான் எடுக்கப்பட்ட சண்டைக் காட்சிகள் சிறப்பாக இருந்தது .
திரிஷா டபுள் மீனிங் டயலாக் வேறு பேசுகிறார் . போதாதா?படம் டிசம்பர் முப்பது அன்று திரைக்கு வருகிறது
