இசைஞானி இளையராஜாவின் இசையில் கே.பி.ராஜேந்திரன் தயாரிப்பில், வினய்ம ற்றும் வரலக்ஷ்மி சரத்குமார் நடிப்பில், அறிமுக இயக்குனர் ஜி.சங்கர் இயக்கத்தில் உருவாகவிருக்கும் படம் அம்மாயி
இதன் துவக்க விழா இசைஞானி இளையராஜா முன்னிலை வகிக்க, படத்தின் நடிகர்கள், தொழில்நுட்பக் கலைஞர்கள் மற்றும் திரையுலகப் பிரபலங்கள் பங்கேற்க இனிதே துவங்கியது
விழாவில் தயாரிப்பாளர் கே.பி.ராஜேந்திரன் பேசும்போது
“வருகை தந்து சிறப்பித்த அனைவருக்கும் நன்றி. இசைஞானி இசை அமைக்கும் படத்தை தயாரிப்பதில் மகிழ்ச்சியடைகிறேன்.
நாற்பது நாளில் படத்தை எடுத்து முடிக்க இருக்கிறேன் ” என்றார்.
படத்தின் நாயகன் வினய் பேசுகையில்
” இந்தப் படம் எனக்கு நல்ல படமாக அமையுமென நம்புகிறேன்.
என் ஒவ்வொரு படத்திலும் எனக்கு உற்சாகமளிக்கும் ரசிகர்களுக்கு இந்தத் தருணத்தில் நன்றி தெரிவித்துக் கொள்கிறேன்.
படத்தின் கதாநாயகியான வரலக்ஷ்மி, ஏற்கனவே ஒப்புக் கொண்ட பணியின் காரணமாக, தான் வர இயலாததைத் தெரிவிக்குமாறு கூறியுள்ளார்.” என்றார்.
நடிகர் மயில்சாமி தன் பேச்சில்
“ஒவ்வொரு படம் துவங்கும் போதும் மகிழ்ச்சியளிக்கிறது. என்னைப் போன்று பலருக்கு வேலை கொடுக்கிறது.
இப்படத்தின் கதை பற்றி எனக்கு எதுவும் தெரியாது. ஆனால் படம் முழுவதும் வருவது போல் எனது கதாபாத்திரம் இருக்குமென இயக்குனர் கூறியிருக்கிறார்.
ஒரு படத்தில் ராஜா இருந்தாலே வெற்றி தான். எங்களுக்கு இளையராஜாவே இருக்கிறார். இதற்க்கு மேல் என்ன வேண்டும்?” என்றார்.
நடிகர் சாம்ஸ் பேசுகையில்
“நான் இசைஞானியின் இசைக்கு அடிமை. அவர் இசையமைக்கும் படத்தில் நான் பணியாற்றுவது மகிழ்ச்சியளிக்கிறது.
இப்படத்தில் சரியான ஒரு பாத்திரத்தை எனக்கு அளித்திருக்கும் இயக்குனர் படம் என்னை அடுத்த கட்டத்துக்கு அழைத்துச் செல்லும் என கூறியிருக்கிறார்.
மயில்சாமி அண்ணனுடன் நடிப்பது சுகமான அனுபவமாக இருக்கும். அவருடன் நடிக்க ஆவலுடன் காத்திருக்கிறேன்” என்றார்.
இறுதியாக பேசிய இயக்குனர் ஜி.சங்கர்
“இந்த வாய்ப்பினை வழங்கிய தயாரிப்பாளர் கே.பி.ராஜேந்திரன் அவர்களுக்கு எனது நன்றியினை தெரிவித்துக் கொள்கிறேன்.
நான் தெய்வமாக நினைக்கும் இசைஞானி இளையாராஜா எனது படத்திற்க்கு இசையமைப்பதை பற்றி விவரிக்க வார்த்தையே இல்லை. அவர்தான் இந்தப் படத்துக்கு எல்லாமே .
இது ஹாரர் , செண்டிமெண்ட் எல்லாம் நிறைந்த படமாக இருக்கும் . ஓர் உண்மைக் கதையின் அடிப்படையில் படம் இருக்கும் .
அது எல்லோருடைய வாழ்வுக்கும் பொருத்தமான கதையாக இருக்கும் . படத்தில் வரும் அம்மாயி என்ற கேரக்டர் பிரம்மாதமாக இருக்கும் .” என்றார்.
படக் குழுவினர் விவரம்———————————–
ஒளிப்பதிவாளர் : சரவணன்
படத்தொகுப்பு : ஜெயசங்கர்
கலை: ஜான் பிரிட்டோ
சண்டை பயிற்ச்சி : பவர் பாஸ்ட்
ஸ்டில்ஸ் : தேனி சீனு
மக்கள் தொடர்பு : இரா. குமரேசன்
