சமூக விசயங்களில் அக்கறையோடும் அதிரடியோடும் தனக்கே உரிய பாணியில் கருத்துகளைச் சொல்வது நடிகர் இயக்குனர் தயாரிப்பாளர் மற்றும் அரசியல்வாதியான மன்சூர் அலிகான் வழக்கம்.
அதே வகையில் தற்போது சாதிவாரிக் கணக்கெடுப்பை உடனே தமிழக அரசு நடத்த வேண்டும் என்று கோரிக்கை வைத்திருக்கிறார் மன்சூர் .
“நிஜமான சமூக நீதி என்பது சமூக அளவில் மக்களின் எண்ணிக்கைக்கு ஏற்ப அவர்களுக்கு பிரதிநிதித்துவம் முக்கியத்துவம் தருவதுதான் அப்படிப் பார்த்தால் சாதிவாரிக் கணக்கெடுப்பும் அதற்கேற்ற பிரதிநித்துவமும்தான் நிஜமான சமூக நீதி .
ஆனால் சமூக நீதி பற்றிய வரலாறு பெரிதாக இல்லாத மாநிலங்கள் கூட இப்போது சாதிவாரிக் கணக்கெடுப்பை நடத்த வேண்டும். என்று சரியான விதத்தில் களம் இறங்கி உள்ளன. ஆனால் சமூக நீதி அடையாளத்தோடு சமூக நீதியின் பெயரால் ஆட்சி நடத்தி வரும் இன்றைய முதல்வர் முக ஸ்டாலின் அவர்கள் சாதிவாரிக் கணக்கெடுப்பை முதலில் நடத்தி இருக்க வேண்டும் .
ஆனால் அதுபற்றி இன்னும் அறிவிக்காமல் அமைதியாக இருப்பது , இன்றைய அரசின் சமூக நீதி உணர்வு பற்றி பல சந்தேகங்களை எழுப்புகிறது .
எனவே முதல்வர் முக ஸ்டாலின் உடனடியாக சாதிவாரிக் கணக்கெடுப்பை நடத்த வேண்டும் .
பாலஸ்தீனம் இஸ்ரேல் சண்டை என்று இரு நாடுகளுக்கு இடையேயான சண்டை போல பேசுகிறோம் . அதுவே தப்பு . அது ஒரு உள்நாட்டு சண்டை . ஒரே நாட்டுக்குள் ஒரு இன- மத மக்கள் அழிக்கப்படுகிறார்கள் . ஆயிரக்கணக்கான குழந்தைகள் கொல்லப்படுகிறார்கள் .
எல்லோரும் மனிதர்கள்தான் என்ற வகையில் மனிதபிமானத்தோடு நாம் அந்தப் பிரச்னையை ஆக வேண்டும்.
திரைப்படங்கள் பொழுதுபோக்கு என்றாலும் அதில் நல்ல விசயங்களை சமூக அக்கறை நோக்கில் பேச வேண்டும் . தவறான விசயங்களை ஊக்குவிக்கக் கூடாதுவரும் பாராளுமன்றத் தேர்தலில் நான் போட்டியிடுவேன் ” என்றார்
