தமிழின் முதல் மூன்றாம் பாகப் படம் என்ற பெருமை சிங்கம் 3 படத்துக்கு கிடைத்துள்ளது .ஸ்டுடியோ கிரீன் சார்பில் ஞானவேல் ராஜா தயாரிக்க, சூர்யா, அனுஷ்கா , ஸ்ருதிஹாசன், சூரி நடிப்பில்
ஹரி இயக்கி இருக்கும் இந்தப் படம் வரும் பிப்ரவரி 9 ஆம் தேதி வெளிவருகிறது இதையொட்டி பத்திரிகையாளர்களை சந்தித்தது படக் குழு .
நிகழ்ச்சியில் பேசிய நடிகர் சூரி ” படப்பிடிப்பில் ஐநூறு பேர் ஒரு ஷாட்டுக்குள் நின்றாலும் ஒவ்வொரு தனி நபரையும் கூர்ந்து கவனித்து
அவரகளது தவறுகளை சுட்டிக்காட்டி சரி செய்யும் இயக்குனர் ஹரியின் திறமையை பார்த்து அசந்து போனேன் .
சூர்யா அண்ணனின் உழைப்புக்கு ஈடு இணையே இல்லை .
சூர்யா அண்ணனின் உழைப்புக்கு ஈடு இணையே இல்லை .
ஹாரீஸ் சாரின் பாட்டும் இசையும் சூப்பரா வந்திருக்கு.தயாரிப்பாளர் ஞான வேல் ராஜா நல்லபடியா கவனிச்சிக்கிட்டார் . படம் நல்ல படமா வர்றதுக்கு வேற என்ன வேணும் ?” என்றார்.
இசை அமைப்பாளர் ஹாரீஸ் ஜெயராஜ் பேசும்போது” சாமி படத்தில்தான் நானும் ஹரியும் ஒண்ணு சேர்ந்தோம் . என்னோட முதல் கமர்ஷியல் படம் அதுதான் .
இந்தப் படத்துல ஹரியோடு மட்டும் இல்ல என்னோடு ரொம்ப நெருக்கமான சூர்யா சாரோடும் இணைந்தது ரொம்ப சந்தோசம் .
படத்தைப் பார்க்கும்போது ‘இதுக்கு மியூசிக்கே தேவை இல்லை சார் . அவ்வளவு பரபரப்பா இருக்கு’ என்று நான் ஹரியிடம் சொன்னேன். அவர் ‘சார் அப்படி எல்லாம் நினைக்காதீங்க .
உங்க பங்குக்கு ஏத்தி விடுங்க ‘என்று சொன்னார் . அப்படியே எல்லாரும் உழைச்சு இருக்கோம் . ஒரு நல்ல போலீஸ் அதிகாரி பற்றிய படம் இது .
இந்தக் காலகட்டத்துக்கு தேவையான அவசியமான படம் இது ” என்றார் . இயக்குனர் ஹரி பேசும்போது ” பொதுவா என் படம் வேகமா இருக்கணும் என்று ரசிகர்கள் நினைக்கிறாங்க
அப்படியே நானும் பண்ண ஆரம்பிச்சுட்டேன் .
ஆனா அப்படி பண்ணும்போது படம் பார்த்து முடிக்கும்போது ‘படத்துல ஒண்ணுமே இல்லியே’ என்று தோன்றுகிற ரிஸ்க்கும் இருப்பதால் கவனமா பண்றேன் .
இந்தப் படத்தைப் பொறுத்தவரை தயாரிப்பாளர் ஞானவேல் ராஜாவை ஏதாவது விசயத்தில் டார்ச்சர் பண்ணி இருப்பேன்னு நினைக்கறேன் .
ஆனா அவர் அதை எல்லாம் பொறுத்துக்கிட்டு நல்லா பண்ணி கொடுத்தார் . அவர் டீம் நல்ல டீம் .ஹாரிஸ் ஜெயராஜ் சாரோட வொர்க் பண்றது சந்தோஷமான விஷயம் .
இந்தப் படத்திலும் அவர் நல்ல இசை கொடுத்து இருக்கார் .சூர்யா சாரோட எனக்கு இது அஞ்சாவது படம் . அதுவும் சிங்கம் படத்துல மூணாவது பாகம் . எவ்வளவோ நாட்கள் சேர்ந்து இருக்கோம் .
இந்தப் படத்துக்கே சுமார் நூற்றி இருபது நாள் சேர்ந்து வேலை செஞ்சோம். இதுவரையில் எனக்கும் அவருக்கும் ஒரு சிறு மனஸ்தாபம் கூட வந்தது இல்ல . அந்த அளவுக்கு எங்களுக்குள்ள புரிதல் . அதுக்கு நான் கொடுத்து வச்சிருக்கணும் . அவர் என் சொந்த சகோதரர் போல ” என்றார்
சூர்யா தனது பேச்சில் “
ரொம்ப சந்தோஷமா இருக்கு . படம் ரொம்ப நல்ல வந்து இருக்கு . ஹரி சார் ஸ்பீடாவும் வேலை செய்வார் . நேர்த்தியாவும் வேலை செய்வார் .அது ரொம்ப ஆச்சர்யமான விஷயம் .
இந்தில சஞ்சய் லீலா பன்சாலி எல்லாம் ஒரு நாளைக்கு ரெண்டு ஷாட் மட்டும்தான் எடுப்பார்னு சொல்வாங்க . ஆனா ஹரி ஒரு நாளில் தொண்ணூறு தொண்ணூத்தி அஞ்சு ஷாட் எடுப்பார் .
சிங்கம் முதல் பாகம் பார்த்த உடனே அம்மா என் கிட்ட ” டயலாக் ரொம்ப நல்லா இருக்கு . எப்படி ஹரி அவ்ளோ சிறப்பா எழுதறார்னு பாராட்டினாங்க .
இப்போ இந்த படத்தை பார்த்துட்டு ‘கண்ணு படம் சூப்பரா இருக்கு’ ன்னு அத்தை பாராட்டுனாங்க . அந்த அளவுக்கு குடும்பப் பாங்கான படம் . இது நிச்சயாம எல்லா மக்களையும் கவரும் ” என்றார் .
நன்றி கூறிப் பேசிய தயாரிப்பாளர் ஞானவேல் ராஜா ” எல்லோரும் பொய் சொல்லும்போது என்னால உண்மையை மறைக்க முடியவில்லை .
ரஜினிக்கு அடுத்து அதிக வசூலும் பிசினசும் தமிழகத்திலும் ஆந்திராவிலும் வெளி நாட்டு தமிழர்கள் மத்தியிலும் இருப்பது சூர்யாவுக்குதான் .
இதை நாங்கள் இதுவரை சொல்லாமல் இருப்பதால் மற்றவர்கள் தங்களை உயர்த்தி பேசிக் கொள்கிறார்கள் .
சிங்கம் 3 படம் இப்போதே நூறு கோடி ரூபாய்க்கு மேல் விற்பனை ஆகி விட்டது . ” என்றார்
சிங்கம் 3 படம் இப்போதே நூறு கோடி ரூபாய்க்கு மேல் விற்பனை ஆகி விட்டது . ” என்றார்
PETA எதிர்ப்பை சூர்யா சிங்கம் 3 படத்தின் விளம்பரத்துக்கு பயன்படுத்திக் கொள்வதாக PETA அமைப்பின் தலைவர் பூர்வா குற்றம் சாட்ட அதற்கு சூர்யா நடவடிக்கை சட்ட நடவடிக்கை எடுக்க,
அந்தப் பெண்மணி மன்னிப்பு கேட்டது பற்றி பேச்சு வந்தபோது ,
நான் சூர்யாவிடம் ” அந்தக் கடிதத்தில் கூட அவர் உங்களிடம் மன்னிப்பு கேட்கிறாரே ஒழிய , ஜல்லிக் கட்டு மிருகவதை ,
அது தடை செய்யப் பட வேண்டிய ஒன்று என்ற தொனியில்தானே சொல்லி மன்னிப்புக் கேட்கிறார் . அத எப்படி எடுத்துக்கிறது ? ” என்றேன்
அதற்கு பதில் சொன்ன சூர்யா ” அதுதானே அவர்கள் வேலை . அவர்கள் அப்படிதான் சொல்வார்கள் . மாறி நல்லவிதமா சொன்னால்தான் ஆச்சர்யப்படனும்.
அவர்கள் சொல்வதால் ஜல்லிக்கட்டு மிருகவதை ஆகி விடாது ” என்றார் .
