ரங்கா பிலிம் கம்பெனி சார்பில் ரங்கா தயாரித்து இயக்கி கதாநாயகனாக நடிக்க,கதாநாயகியாக ரியா மற்றும் இளங்கோ குமணன், திலீபன், வத்சன், நடராஜன், சுமா , விஷால், ராம் ஆகியோர் நடித்து இருக்கும் படம்.
கிரிக்கெட் போட்டி குறித்த பண சூதாட்டம் அது இல்லீகல் என்பதால் அதன் மூலம் நடக்கும் மற்ற தகிடுதததங்கள், ஏமாற்று , வன்முறை, திருட்டு கொலை, கொள்ளை …
தான் நடத்தும் சிறு ஹோட்டலை மதுபான பார் ஆக்க, இது போன்ற ஒரு நேர்மையற்ற கும்பலிடம் இடத்தை பேராசையோடு அடகு வைத்து ஒரு நிலையில் எதற்கும் தயாராகும் ஒரு நபர் (இளங்கோ குமணன்) ,
அவரது சகோதரி (சுமா) , அந்த சகோதரியின் நேரமையான மகன் (ரங்கா) , அவன் காதலிக்கும் ஒரு டாக்டர் (ரியா) , அந்த டாக்டரின் அக்கா(தாரணி)வின் மோசமான கணவன் , கோவிட் தீவிரமாக இருந்த காலம் , மரணங்கள் இவற்றின் பின்னணியில் ஒரு படம் .
கதைக்கு பெரிதாக தேவை இல்லை என்றாலும் நீச்சல் காட்சிகள் நன்றாக இருக்கின்றன .
தாய்மாமன குறித்த திருப்பம் அட போட வைக்கிறது. சபாஷ்
மிக இயல்பாக நடிக்கிறார் ரங்கா . யதார்த்தமாக இருக்கிறார் ரியா . பாராட்டுப் பெறுகிறார் இளங்கோ குமணன்
சரத்குமாரின் ஒளிப்பதிவும் ஜென் மார்ட்டினின் பின்னணி இசையும் ஓகே ரகம்.
சுவாரசியம் இல்லாமல் நீண்டும் சுற்றியும் பயணிக்கும் திரைக்கதையும் ஈர்ப்பில்லாத வசனங்களும் மைனஸ் .
சும்மா எப்படி வருதுன்னு பார்ப்போமே என்று ஒரு படம் எடுத்த மாதிரியே இருக்கிறது .
தென் சென்னை …. முட்டு சந்து
