ஏ கே எஸ் என்டர்டைன்மென்ட் அண்ட் மீடியா சார்பில் அஷ்வனிகுமார் சகாதேவ் தயாரிக்க, அவர் மகன் ஆகாஷ் குமார் நாயகனாகவும்,
மிஸ்தி சக்ரவர்த்தி என்ற மும்பைப் பெண் நாயகியாகவும் நடிக்க, நெப்போலியன், ஜெயப்பிரதா, நாசர்,
பொன்வண்ணன் , எம் எஸ் பாஸ்கர், சாயாஜி ஷிண்டே , இவர்களுடன் பல பிரபல தெலுங்கு நடிகர்கள் உடன் நடிக்க ,
இயக்குனர் ஷங்கரிடம் அந்நியன் உள்ளிட்ட பல படங்களில் உதவி இயக்குனராக இருந்த நரசிம்மா என்பவர் தெலுங்கு, தமிழ் இரு மொழிகளில் இயக்கி இருக்கும் படம் யாகம்
படத்தின் டீசர் அல்லது டிரைலர் வெளியீட்டு விழாவில் (ஏனென்றால் முதலில் டீசர் என்று சொல்லி போட்டார்கள் .
கடைசியில் அதையே டிரைலர் என்று சொல்லிப் போட்டார்கள் . என்ன கணக்கோ தெரியல ) அதை திரையிட்டார்கள்
சிறப்பான ஒளிப்பதிவு (ரமண சல்வா ) அற்புதமான பின்னணி இசை (கோட்டி) , பிரம்மாண்டமான காட்சிகள் , 
ஈர்க்கும் கணிப்பொறி வரைகலை வேலைகள் இவற்றோடு கவரும் வகையில் இருந்தது .. அந்த டீசர் அல்லது டிரைலர் !
நரசிம்மா இயக்குனர் பாலசேகரனிடமும் பணியாற்றியவர் என்பதால் அவர் வந்து நரசிம்மாவை பாராட்டினார் .
நரசிம்மாவுடன் இயக்குனர் ஷங்கர் யூனிட்டில் பணியாற்றிய இயக்குனர் அறிவழகன், ஹோசிமின் , ஆடம்ஸ் ஆகியோரும் பாராட்டினர் .
நிகழ்ச்சியில் பேசிய இயக்குனர் ஹோசிமின்,
” ஏ எம் ரத்னம் சார் தயாரிப்பில் நான் தெலுங்கில் இயக்கிய ஒரு படத்துக்கு பணியாற்ற நரசிம்மா வந்தார் .
அதில் நான் எடுத்த ஒரு சைக்கிள் ரேஸ்காட்சியில் அவர் பங்களிப்பை பார்த்து வியந்து போனேன் .
ஒரு முறை ஹைதராபாத் போன ஷங்கர் சார் , அங்கிருந்து எனக்கு போன் செய்து , ‘ இங்கு இருக்கும் சிறப்பான அசிஸ்டன்ட் டைரக்டர் யாரையாவது,
உடனே என்னை வந்து பார்க்கச் சொல் ; என்றார் . நான் நரசிம்மாவை போகச் சொன்னேன் . அடுத்த நாள் எனக்கு போன் செய்த ஷங்கர் சார்
‘ ரொம்ப நல்ல ஆளைக் கொடுத்து இருக்க ” என்று பாராட்டினார் . அப்படியே ஷங்கர் சாரிடம் பணியாற்ற ஆரம்பித்த நரசிம்மா,
இப்போது இயக்கி இருக்கும் இந்தப் படம் கண்டிப்பாக வெற்றி பெறும் என்பதில் சந்தேகம் இல்லை ” என்றார்.
அறிவழகன் தன் பேச்சில், 
” நரசிம்மா நல்ல திறமை சாலி . பழகுவதற்கும் இனியவர் . அது அனைவரும் அறிந்த விஷயம்.
அவர் எடுக்கும் படம் கண்டிப்பாக வெற்றிப் படமாகத்தான் இருக்கும் . இப்போது நாம் பார்த்த விஷுவல் அதை உறுதி செய்கிறது ” என்றார் .
ஒலி வடிவமைப்பாளர் லக்ஷ்மி நாராயணன், 
“சினிமாவில் ஒலி வடிவமைப்பின் அவசியம் இன்னும் பலருக்கு தெரியாது . ஆனால் நரசிம்மா நேர் மாறு .
என்ன வேண்டும் என்பதை தெளிவாக சொல்லுவார் . சின்னச் சின்ன விவரணைகள் வரை சிறப்பாக விளக்குவார் . அதனால் சிறப்பாக பணியாற்ற முடிந்தது ” என்றார்
இசையமைப்பாளர் கோட்டி பேசும்போது,
” தமிழில் சரித்திரம் படைத்த சந்திரலேகா, மற்றும் மிஸ்ஸியம்மா படங்களுக்கு இசை அமைத்த,
ராஜேஸ்வரராவின் மகன் நான் . ராஜ் என்ற நண்பரோடு சேர்ந்து ராஜ்கோட்டி என்ற பெயரில் நிறைய தெலுங்குப் படங்களுக்கு இசை அமைத்தேன் .
பின்னர் தனியாக வந்தும் நிறைய படங்களுக்கு இசை அமைத்துக் கொண்டு இருக்கிறேன் .
தமிழ் ரசிகர்களின் இசை ரசனை அபாரமானது .
அருந்ததி படத்துக்கு நான் கொடுத்த இசைக்கு தெலுங்கு ரசிகர்களை விட தமிழ் ரசிகர்களே என்னை கொண்டாடினார்கள் .
நரசிம்மா என்னை சந்தித்தபோது ‘அருந்ததி படத்துக்கு கொடுத்தது போல இசை கொடுங்கள்’ என்றார்.
‘அருந்ததி போல படம் எடுங்கள் . நான் இசை தருகிறேன்’ என்றேன் . அவரும் எடுத்துக் கொண்டு வந்தார் . நானும் கொடுத்து இருக்கிறேன் ” என்றார் .
பொன்வண்ணன் தன் பேச்சில், 
” இந்தப் படம் நல்ல சக்திக்கும் தீயசக்திக்கும் இடையே நடக்கும் போராட்டத்தை, அதில் தெய்வ சக்தி ஜெயிப்பதை சொல்லும் படம் .
நான் இதில் சாமியாரா வர்றேன். அடிப்படையில் நான் ஒரு டெக்னீஷியன் . இந்தப் படத்தில் நடிக்கும்போது,
டெக்னாலஜி எந்த அளவுக்கு வளர்ந்து இருக்குன்னு எனக்கு தெரிஞ்சது . அதாவது நான் காசு வாங்கி கத்துக்கிட்டேன் .
இன்னொரு எனக்கு தெரியாத மொழியில் முதன் முதலா , பெரிய பெரிய ஆர்ட்டிஸ்ட் மத்தியில்,
சம்ஸ்கிருத சுலோகம் எல்லாம் சொல்லி நடிச்சதன் மூலமா தெலுங்கு மொழியில் நடிக்கவும் ஆரம்பிசுட்டேன் . ” என்றார் .
நாசர் பேசும்போது, 
” பொன்வண்ணன் சிறப்பாக நடித்தார் . அவருக்கு இனி தெலுங்கு சினிமா உலகின் கதவுகளும் திறக்கும் .
ஒரு பக்கம் இது நல்ல சக்தி கெட்ட சக்திக்கு இடையேயான படம் என்று சொல்லப்பட்டாலும் நான் அதை அப்படி பார்க்கல .
ஒரு அம்மா மகனுக்கு இடையேயான பாசத்தை ஆழமாக சொல்லும் படம் இது . . என்னை இந்தப் படத்தில் நடிக்க அழைத்தபோது,
பொன்வண்ணன் நடித்த கேரக்டருக்குத்தான் அழைப்பார்கள் என்று நினைத்தேன் . ஆனால் இயக்குனர் ஒரு காமெடியான கதாபாத்திரத்தை கொடுத்துள்ளார் .
ரசிகர்கள் பார்த்து காமெடி என்று அதை உணர்ந்து ரசித்தால் நான் காமெடி நடிகனாகவும் ஆகி விடுவேன்” என்றார் .
ஜெயப்பிரதா தன் பேச்சில்,
“தமிழ்ப் படங்களில் நடிப்பது எப்போதுமே சந்தோஷமான விஷயம் . எனக்கு தமிழ்ப் படங்களில் நடிக்க ரொம்ப பிடிக்கும் . இந்தப் படம் தமிழ் தெலுங்கு இரண்டு மொழிகளில் எடுக்கப்பட்டதால் நான் ஆர்வமாக நடித்தேன் ” என்றார் .
நெப்போலியன் பேசும்போது, 
” இயக்குனர் ஷங்கரின் படத்தில் நடிக்க நான் எவ்வளவோ ஆசைப்பட்டேன் .
அவரிடம் கேட்கும்போது எல்லாம் ‘கூப்பிடறேன் .. கூப்பிடறேன்…’ என்று சிரித்தபடி சொல்லிக்கொண்டே போய் விடுவார் .
நரசிம்மா அவரது அசோசியேட் என்பதால் நடிக்க சந்தோஷாமாக ஒத்துக் கொண்டேன் .
அப்புறம் நான் ஜெயப்பிரதாவின் பெரிய ரசிகன் . ஆனால் அவரை என்னால் சக எம்பியாக பாராளுமன்றத்தில் சந்திக்கதான் முடிந்தது .
பாராளுமன்றத்தில் ஜெயப் பிரதாவும் ஹேமமாலினியும் வரும்போது எல்லோரும் வாயைப் பிளந்து கொண்டு பார்ப்பார்கள் .
இந்தப் படத்தில் அவரது ஜோடியாக நடிக்க வேண்டும் என்றதும் மறு பேச்சுப் பேசாமல் ஒத்துக் கொண்டேன் .
படத்தை மிக சிறப்பாக எடுத்தார் நரசிம்மா .
நான அமெரிக்காவில் இருந்து வந்து நடித்துக் கொடுத்ததற்காக படப்பிடிப்பின் கடைசி நாளில் எனக்கு மாலை அணிவித்து பபாராட்டியபோது நெகிழ்ந்து போனேன் ” என்றார் .
நிறைவுரை ஆற்றிய இயக்குனர் நரசிம்மா, 
” எனக்கு இது முதல் படம் . எனினும் இவ்வளவு பெரிய நடிக நடிகையர்கள் எல்லாம், எனக்கு நடித்துக் கொடுத்ததும்,
ஒத்துழைப்பு கொடுத்ததும் மறக்க முடியாத ஒன்று . கேமரா மேன் ரமண சல்வா இல்லாமல் இந்தப் படத்தை யோசிக்க முடியாது . அவ்வளவு பலமாக எனக்கு இருந்தார் .
லக்ஷ்மி நாராயணனின் ஒலி வடிவமைப்பு இந்தப் படத்தின் பெரும் சிறப்புகளில் ஒன்று .
நான் இசைக்கு கோட்டி சாரிடம் போக முக்கியக் காரணம் அவரது அட்டகாசமான பின்னணி இசைக்காகத்தான் .
ஆனால் அவர் அதோடு மிக அட்டகாசமான பாடல் இசையும் கொடுத்தார் .
புதுமுகங்கள் என்றாலும் ஆகாஷ் குமார் – மிஸ்தி சக்ரவர்த்தி இருவரும் மிக சிறப்பாக நடித்தார்கள்.
படத்தில் 64 நிமிடங்களுக்கு சி ஜி வொர்க் இருக்கிறது. எல்லாமே கதையோடு ஒன்றி வருபவை .அக்டோபர் மாதம் படம் திரைக்கு வருகிறது ” என்றார் .
