குளோபல் மீடியா ஒர்க்ஸ் சார்பில் டி . விஜய் பிரகாஷ் தயாரிக்க, கவுதம் கார்த்திக், பிரியா மேனன், நெப்போலியன் , வம்சி கிருஷ்ணா, விவேக், சுமன் நடிப்பில்
கதை திரைக்கதை வசனம் எழுதி ராஜதுரை இயக்கும் படம் முத்துராமலிங்கம் . பேரே சொல்லும் இது தென் மாவட்ட வாழ்க்கைப் பின்னணியில் அமைந்த படம் என்பதை !
அது மட்டுமல்ல … படத்தின் மிக முக்கியமான விஷயம் சிலம்புச் சண்டை . அதுவும் சாதாரண சிலம்புச் சண்டை அல்ல … பின்னே ? இயக்குனர் ராஜ துரையே சொல்லட்டும்
” முதலில் கதை பற்றி சொன்னால்தான் அது புரியும் ” என்று ஆரம்பிக்கிறார் ராஜ துரை. ” இந்த மண்ணில் வளரும் தலைமுறைகளிடம்,
என்றும் வீர உணர்ச்சியை வளர்ப்பதற்காக சிலம்பம் கற்றுத் தரும் பணியை மேற்கொள்ளும், மூக்கையா தேவரின் மகன் முத்துராமலிங்கம் .
திருநெல்வேலியில் நடக்கும் ஒரு சிலம்பப் போட்டியில் நாயகனின் குழுவுக்கும் இன்னொரு குழுவுக்கும் மோதல் ஏற்படுகிறது .
அந்த குழுவினர் செய்த புகாரின் அடிப்படையில் முத்துராமலிங்கத்தை கைது செய்ய வருகிறார் ஒரு காவல்துறை அதிகாரி .
அந்த அதிகரிக்கும் மூக்கையா தேவருக்கும் மோதல் ஏற்பட , மூக்கையா , முத்துராமலிங்கம் இருவரும் தலைமறைவாகிறார்கள் .
ஒரு தனிப்படை அமைத்து இருவரையும் கைது செய்ய அந்த காவல் துறை அதிகாரி முயல , அவரிடம் கதாநாயகி ” முடிந்தால் முத்து ராமலிங்கத்தை சிலம்பத்தில் வென்று அப்புறம் கைது செய்யுங்கள் ‘ என்கிறாள் .
சிலம்பம் என்றால் சாதாரண சிலம்பம் இல்லை . மதுரை, திருநெல்வேலி ,, கன்னியாகுமரி , திருவனந்தபுரம், சோட்டானிக்கரை போன்ற பகுதிகளில்
இன்றும் புழக்கத்தில் இருக்கிற — சிலம்பக் குச்சி முனையில் கத்தி கட்டி விளையாடும் – ஆபத்தான சிலம்பம் .
அந்த காவல் துறை அதிகாரி தமிழ்நாடு போலீசில் சிலம்பம் தெரிந்த அனைவரையும் வென்று ,
பிறகு ஆபத்தான் சிலம்பமும் கற்று நாயகனுடன் மோதுகிறார் . நடந்தது என்ன என்பதுதான் படம் ” என்று கதை சொல்கிறார் . இயக்குனர் .
படத்துக்கு எல்லா பாடல்களையும் எழுதியவர் மறைந்த பஞ்சு அருனாச்சலம். தவிர படத்தில் கமல் ஒரு பாடலும் பாடி இருக்கிறார் .
அது பற்றி கூறும் இயக்குனர் ” இந்தப் படத்துக்கு இசை அமைக்க இசைஞானி இளையராஜாவை விட்டால் ஆள் இல்லை என்தாபல் அவரிடமே போனேன் .
கதை சொன்னேன். தேவர் மகன் என்ற பெயரை விட இது சிறந்த பெயர் என்றார் இளையராஜா .
கம்போசிங்கின் போது முரட்டுக் காளை படத்தில் வரும் ‘பொதுவாக என் மனசு தங்கம் போல ஒரு பாடல் வேண்டும் என்றேன். அந்தப் பாடலை எழுதிய பஞ்சு அருணாச்சலம் சாரையே எழுத வைப்போம் என்றார் .
பஞ்சு சாரே வந்து பாடல்களை எழுதினார் . அறிமுகப் பாடலை யாரை பாட வைக்கலாம் என்று யோசித்த இளையராஜா கமல் சாரை பாட வைக்கலாம் என்றார் . கமல் சார் வந்தார் . பாடிக் கொடுத்து விட்டுப் போனார் .
” பக்கா நாட்டுப் புறக் கதைக்கு கவுதம் கார்த்திக் ஹீரோவாக செட் ஆவாரா ?”
“அவரை பபுதிய தோற்றத்தில் இந்த படத்தில் கொண்டு வர முடிவு செய்தே அவரை ஒப்பந்தம் செய்தேன் . அவரும் பொருத்தமாக மாறி இருக்கிறார் . படத்துக்காக நாற்பது நாட்கள் சிலம்பம் கற்றுக் கொண்டார் .
மூக்கையா தேவர் கதாபாத்திரத்தில் ஆரம்பத்தில் பிரபு சாரை ஒப்பந்தம் செய்தேன் . இந்த நிலையில் தன் மகன் கவுதம் நடிக்கும் படம் என்பதால்,
இதன் கதையை கேட்ட நவரச நாயகன் கார்த்திக் , ‘ நான்தான் மூக்கையா தேவராக நடிப்பேன்’ என்றார். . பிரபு சாரிடம் தர்ம சங்கடத்தை சொன்னோம் . அவரும் விட்டுக் கொடுத்தார் .
ஆனால் ஷூட்டிங் சமயத்தில் கார்த்திக் சாருக்கு உடம்பு சரி இல்லாமல் போனதால் நெப்போலியனை நடிக்க வைத்தோம் ” என்கிறார் .
படத்தின் தயாரிப்பாளர் விஜய் பிரகாஷ் ” இது எனக்கு முதல் படம் . . படத்தில் நடிகர்களும் அதிகம் . தவிர எல்லா காட்சிகளிலும்
துணை நடிகர்கள் அதிகம் இயக்குனர் கேட்ட எல்லா நடிக நடிகையரையும் ஒப்பந்தம் செய்து கொடுத்தேன் .
படத்தில் கவுதம் கார்த்திக் பிரியா ஆனந்த் ஜோடிப் பொருத்தம், நெருக்கம் எல்லாம் பிரம்மாதமாக வந்துள்ளது .
தவிர பிரியா ஆனந்த் , கிணற்றை தாண்டுவது, முதல் மாடியில் இருந்து குதிப்பது , போன்ற காட்சிகளில் டூப் இல்லாமல் நடித்துள்ளார் . சிலம்பச் சண்டையும் போடுகிறார் . ” என்றார் .
படத்தின் பாடல்களை இசை ஞானி இளையராஜா வெளியிட , சகலகலா வல்லவன் டி. ராஜேந்தர் பெற்றுக் கொள்ள .. அப்படி ஒரு முயற்சியில் இருக்கிறது படக் குழு .
விரைவில் பாடல்கள் வெளியீடு . வாழ்த்துகள் !
