தேன் எடுப்போர் காதல் சொல்லும் ‘தேன்’

அம்பலவாணன் – பிரேமா தயாரிப்பில்,  தருண் குமார், அபர்நதி, அனு ஸ்ரீ,  அருள் தாஸ், பாவா லக்ஷ்மணன், கயல் தேவராஜ் நடிப்பில் சுகுமாரின் ஒளிப்பதிவில்
 தகராறு, வீர சிவாஜி , ஹைப்பர் (கன்னடம்),D7 என்ற வெப் சீரிஸ் ஆகியவற்றை இயக்கிய கணேஷ் விநாயகன் இயக்கி இருக்கும் படம் தேன்.

மேற்குத் தொடர்ச்சி மழைப் பகுதியில் தேன் எடுத்துப் பிழைக்கும் மக்களின் வாழ்வியலைச் சொல்லும் படம் இது .

மலைப் பகுதியின் பனி காரணமாக மூத்தவர்களுக்கு ஏற்படும் சுவாசக் கோளாறில் சிக்கிக் கொள்கிறார் நாயகியின் (அபர்நதி) தந்தை (கயல் தேவராஜ்) .

அப்பாவின் நோய்க்கு மருந்தான குறிஞ்சித் தேனைத் தேடி நாயகனை (தருண்குமார்) சந்திக்கிறார் நாயகி. அவர்களுக்குள் காதல் நோய் வருகிறது.

இதற்கிடையே மலைவாழ் மக்களை அந்த மண்ணில் இருந்து அப்புறப்படுத்தும் கார்ப்பரேட் அடி வருடி அரசுகளின்  எச்சைப் பொருக்கி அரசியலை நாயகன் எதிர்க்க,  அவனுக்கும் அரசி எந்திரத்துக்கும் பகை வருகிறது .

இந்நிலையில் மலைப் பகுதிகளில் அமைக்கப் படும் ஆலைகளின் ரசாயனக் கழிவுகளால் நாயகி உடல் நலம் பாதிக்கப்பட அவளைக் காக்க போராடுகிறான் நாயகன்.

அந்த சிகிசைக்கு கிடைக்கும் காப்பீட்டுப் பணம் காரணமாக மருத்துவர்களுக்குள் சண்டை . விளைவாக  என்ன ஆனது ? என்பதே இந்தப் படம் .

மக்களுக்காகப் பாடுபடுவதாக நடித்து பெரு முதலாளிகளின் காசுக்கு சோரம் போகும் கதாபாத்திரம் ஒன்றில் அருள்தாஸ் நடித்திருக்கிறார் .

படம் ஒரு கண்ணீர்க் கவிதை போல் வந்திருக்கிறது என்கிறார்கள் .

இயக்குனர் கணேஷ் வினாயகனிடம் அலைபேசியில் பேசினேன்.

“முடிந்தவரை உண்மைக்கு நெருக்கமாகப் படமாக்கி இருக்கிறோம் ….
 நாயகன் தருண்குமார் என்னுடைய முதல் படமான தகராறு படத்திலும் நடித்தவர் . 

அபர்நதி மாடல் ஆக இருந்தவர் . ஆனால் இந்தப் படத்தில் அவருக்கு மேக்கப் ஹேர் டிரஸ் எதுவும் இல்;இல்லை. ஒரு சாதாரணப் பெண்ணாக நீ உன் வீட்டில் எப்படி உன் முடியை முடிந்து கொள்வாயோ அப்படி இருந்தால் போதும் என்று சொன்னேன். அப்படியே செய்தார். கிளிசரினை மட்டும் எப்போதாவது அழுவதற்குப் பயன்படுத்தினார் .

நாயகியின் அப்பாவாக பத்திரிக்கையாளர் கயல் தேவராஜ் நடித்து உள்ளார்.

சுகுமாரின் ஒளிப்பதிவு படத்துக்கு பெரும் பலம். முன்பே அவர் மைனா, கும்கி போன்ற படங்களில் காடுகளில் பழகியவர் .

சனத் பரத்வாஜின் இசை, லாரான்ச்கிஷோரின் படத் தொகுப்பு, மாயபாண்டியின் கலை இயக்கம், மேற்குத் தொடர்ச்சி மலை படத்துக்கு எழுதிய ராசி தங்கதுரையின் வசனம் உட்பட அனைத்துக் கலைஞர்களின் பங்களிப்பும் சிறப்பாக வந்துள்ளது .

படம் எல்லோருக்கும் பிடிக்கும்   ” என்கிறார் நம்பிக்கையாக.

வரும் 25 ஆம் தேதி திரையரங்கக் கூடுகளில் இருந்து  சொட்ட ஆரம்பிக்கிறது தேன் 

About Su Senthilkumaran

பெயர் : சு.செந்தில் குமரன் புனைப் பெயர் : ராஜ திருமகன் கல்வித் தகுதி : B.E. Mechanical பிரசுரமான முதல் படைப்பு : கவிதை -- பெங்களூரில் நடந்த 'பெரிய' மாநாட்டில் தேங்காய் எண்ணையில் சமைத்த உணவே தேவை என்றாராம் ஜெயவர்த்தனே! நல்ல வேளை..... தமிழன் ரத்தம் கேட்கவில்லையே (ஜூனியர் விகடன் ) பத்திரிக்கைப் பணி : விகடன் மாணவ நிருபர் திட்டம் மிகச் சிறந்த நிருபர் (outstanding reporter) விருது விகடன் குழும இதழ்களின் சிறப்பு நிருபர் (பல ஆண்டுகள்) விளம்பர முகவர் ---ஏற்றுமதி உலகம் இதழ் (ஒரு ஆண்டு) கட்டுரைப் பகுதி பொறுப்பாசிரியர் --மாலை முரசு குழும இதழ்கள் (பல ஆண்டு) சினிமா பகுதி ஆசிரியர் (தின மதி நாளிதழ்) நிருபர் (குமுதம்) உதவி ஆசிரியர் (குமுதம் ரிப்போர்ட்டர்) பொறுப்பாசிரியர் (குமுதம் ஹெல்த்) சினிமா பகுதி ஆசிரியர் (தின இதழ் நாளிதழ் ) தொலைக்காட்சிப் பணி : நிகழ்ச்சி தயாரிப்பாளர் (சன் டி வி மற்றும் சன் நியூஸ் தொலைக்காட்சி ) நிகழ்ச்சி ஆங்கர் (மக்கள் டிவி , டான் டிவி , டி டி என் தொலைக் காட்சி ) நடுவர் (ஜெயா டிவி டாக்குமெண்டரி விருது ) திரைப் படைப்பாளியாக : உதவி மற்றும் இணை இயக்குனர் --ஆர்.வி. உதயகுமார் (பல படங்கள்) நடிகர் -- முழு நீள கதாபாத்திரம் -- அஜந்தா (தமிழ் , தெலுங்கு ) -- நட்புக்காக (இரும்புக் கோட்டை முரட்டு சிங்கம் , முத்துக்கு முத்தாக) -- கஸ்தூரி , இளவரசி தொலைக்காட்சித் தொடர்கள் பாடலாசிரியர் -- அஜந்தா (இளையராஜா), அடாவடி (தேவா), முத்துக் குமரனின் காதல் (நவநீத் ) வெண்மேகம் (ஜாபர் ) அடுத்த கட்டம் : திரைப்பட இயக்கம் /நடிப்பு / எழுத்து தொடர்புக்கு : su.senthilkumaran@gmail.com / 91 98400 76462

View all posts by Su Senthilkumaran →

Leave a Reply

Your email address will not be published. Required fields are marked *